Popular Bible Verses from PALŌVEPI 11

Share

Ko e loto fa‘a tāpuaki ‘e nga‘eke: Pea ko ia ‘oku fakaviviku ngoue kehe ‘e fakaviviku ha‘ana foki.

‘Oku ai ha taha ‘oku nima homo, Kae fakautuutu ai pē ‘ene koloa: Pea ‘oku ai ha taha ‘oku angakovi‘i ‘ene me‘a, Kae masiva ai.

Ka kuo ha‘u ‘a Fielahi, ‘e ha‘u ai mo Mā: Ka ko e anga vaivai ‘oku ai ‘ene poto.

‘Oku tu‘utāmaki ha kakai ko e masiva ‘uta: Ka ‘oka tokolahi ‘a e kau fale‘i, ‘e ai ha tu‘umālie.

Ko e fua ‘a ha‘a faitotonu ko e ‘akau ‘o e mo‘ui: Pea ko ia ‘oku poto, ‘oku ne pō laumālie.

Ko ia ‘oku ‘alu fano mo e lau, ‘oku ne tatala ai pē ‘ena alea fufū: Ka ko e laumālie tōnunga ‘oku ne fufū ai pē ‘a e me‘a.

Ko e tangata ‘ofa ‘oku ‘aonga ‘ene ‘ofa kiate ia: Ka ko e tangata fakamamahi ‘oku ‘asi ‘ene fakamamahi ‘i hono kakano ‘o‘ona.

Ko ia ‘oku falala ki he‘ene koloa, ko ia ia ‘e tō: Ka ko e faitotonu ‘e talamuka hangē ko e va‘a.

‘Oku ‘ikai ‘aonga ‘a e koloa ‘i he ‘aho ‘o e houhau: Ka ko e faitotonu ‘oku ne fakahaofi kita mei he mate.

Ko e totonu ‘a e anga tonu te ne fakahinohino honau hala: Ka ko e ta‘ema‘u totonu ‘a e kakai kovi ‘oku nau ‘auha ai.

Ko e mama koula ‘i he ihu ‘o ha puaka, Ko e fefine hōihoifua ia ‘oku ‘ikai ke ‘ilo ki he taau.

KO E me‘afua kākā ‘oku fakalili‘a ki ai ‘a Sihova: Ka ko e me‘a-fakamamafa ‘oku kakato, ko hono mamana ia.