KO MAIKA 4
4
Ko e Pule‘anga Melino mo Fakaleveleva ‘a Sihova
(‘Ais 2.2-4)
1PEA ‘e hoko ‘o pehē ‘i he kuonga ‘amui, ‘e fokotu‘u ‘a e mo‘unga ‘o e fale ‘o Sihova ko e ‘ulu ‘o e ngaahi mo‘unga, pea ‘e mahiki hake ia ‘i he ngaahi fo‘i mā‘olunga; pea ‘e tafe ki ai ‘a e ngaahi kakai. 2‘Io, ‘e ō ange ‘a e ngaahi pule‘anga lahi, pea te nau pehē, Ha‘u ā, ka tau ‘alu hake ki he mo‘unga ‘o Sihova,#4.2 mo‘unga ‘o Sihova; Ko e Mo‘unga ko Saioné ia (vakai ki he Saioné ‘i he Ngaahi ‘Uhinga‘i Leá). pea ki he fale ‘o e ‘Otua ‘o Sēkope; pea te ne ako kiate kitautolu hano ngaahi ‘alunga, pea te tau fou ‘i hono ngaahi founga: he ko Saione ‘e ‘alu mei ai ‘a e fakahinohino, mo e folofola ‘a Sihova mei Selusalema. 3Pea te ne fakamaau ‘a e vaha‘a ‘o e ngaahi kakai lahi,#Sioelí 3.10 pea te ne sivi ‘a e me‘a ‘a e ngaahi pule‘anga kaukaua ‘o fai atu ki he mama‘o; pea te nau tuki huo toho ‘aki ‘enau ngaahi heletā, mo e ngaahi hele ‘auhani ‘aki honau tao: ‘e ‘ikai ofa ha heletā ‘e ha pule‘anga ki ha pule‘anga, pea ‘e ‘ikai kei fai ha ako tau. 4Ka te nau nofo takitaha ‘i hono lolo vaine,#Sāk 3.10 pea ‘i hono lolo fiki; ‘o ‘ikai mafakahoha‘a kinautolu ‘e ha taha–he kuo folofola ki ai ‘a e fofonga ‘o Sihova Sāpaoti.
5He ko e ngaahi kakai kātoa ‘oku nau ‘alu ‘aki takitaha ‘a e huafa ‘o hono ‘otua, pea ko kitautolu te tau ‘alu ‘aki ‘a e huafa ‘o Sihova ko hotau ‘Otua, ‘o lauikuonga pea ta‘engata.
‘E Foki Mai ‘a ‘Isileli mei He‘enau Nofo Fakaheé
6‘I he taimi ko ia–ko Sihova ia mei he Ta‘ehāmai–te u fakataha si‘i ketu, pea te u tānaki si‘i me‘a na‘e sese‘e, mo ia ne u ngaohikovi‘i; 7pea te u ngaohi ‘a si‘i ketu ko e toenga, pea ko si‘i me‘a na‘e ‘ave mama‘o ‘e hoko ko e pule‘anga kaukaua: pea ‘e tu‘i ‘a Sihova kiate kinautolu ‘i Mo‘unga Saione, mei he taimi ko ia ‘io ‘o ta‘engata.
8Pea ko koe, Taua ‘o e tākanga,#4.8 pe Taua ‘o ‘o ‘Eta. Sia#4.8 pe ‘Ōfeli. ‘o e ta‘ahine ko Saione, ‘e a‘u pē kiate koe: ‘io, ‘e ha‘u ‘a e pule‘anga mu‘a, ‘a e pule ki he ta‘ahine ko Selusalema. 9Pea ko e hā fua ‘oku ke fu‘u kaila pehē ai? ‘Oku ‘ikai koā hao tu‘i? kuo ‘osi koā ho‘o tama fale‘i, ‘a ia ‘oku puke ai koe ‘i he langā, hangē ha fefine fā‘ele? 10Sī! langa pē, si‘i ta‘ahine ko Saione, ‘o holi#4.10 ‘o holi: Ko hono faka-Hepeluú ko e: tuku mai, ka ‘oku ngali tonu hono hiki ‘o: pea to‘e. hangē ha fefine fā‘ele: he ko eni te ke hū ki tu‘a mei he kolo, ‘o nofo ‘i he vao, pea te ke ‘alu ‘o a‘u ki Pāpilone; ko e potu ko ia ‘e fai ai ho hamusi; ko e potu ko ia ‘e fai ai ‘e Sihova ‘ene ngāue fakakoeli, ‘o to‘o mei he kuku ‘a ho ngaahi fili. 11Ka ko eni kuo fakataha ha ngaahi pule‘anga lahi ke fai mo koe, ‘a ia ‘oku nau pehē, To‘o hono tapu, kae sio hotau mata ki Saione. 12Ka ko e fa‘ahinga ko ia ‘oku ‘ikai te nau ‘ilo ‘a e ngaahi fakakaukau ‘a Sihova, pea ‘oku ‘ikai ‘uhinga kiate kinautolu ‘a e me‘a kuo ne fale‘i; he kuo ne tānaki kinautolu ‘o hangē ko e tānaki ‘ū koane ki he haha‘anga.
13Tu‘u ‘o haha, si‘i ta‘ahine ko Saione; he te u ngaohi ho nifo ko e ‘aione, pea mo ho pesipesi ko e palasa; pea te ke laiki ke lailai ‘ani kakai lahi; pea te u tapui mo‘o Sihova ‘enau koloa, mo honau mālohinga ki he ‘Eiki ‘o māmani kotoa pē.
Currently Selected:
KO MAIKA 4: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
