KO MAIKA 5
5
1TŪ te ke nofo fakakongakau#5.1 fakakongakau; pe fakakaiha‘akau. ‘Oku ‘ikai ke mahino hono faka-Hepeluú. koe, si‘i ta‘ahine tupu mei ha konga kau.#5.1 pe ha kau pani. “Kuo ne ‘ai ke ‘ākolo‘i kitautolu.” Te nau taa‘i ‘a e fakamaau ‘o ‘Isileli ‘i hono kou‘ahe ‘aki ‘a e mātā.
Ko e Tala‘ofa ‘a Sihova ‘e Hopo Hake ha Taha Lahi ‘i Pētelihema
2Pea ko koe, Pētelihema ‘Efalata, si‘i fau ke lau ‘i he ngaahi toko afe ‘o Siuta, ‘e ‘alu atu ha Taha meiate koe ma‘aku, ‘a ia te ne hoko ko e pule ‘o ‘Isileli; pea ko ‘ene ngaahi ‘alu ‘atu ‘oku talu mei mu‘a, mei he ngaahi ‘aho ‘o ‘ītāniti.#Māt 2.6; Sioné 7.42
3Ko ia te ne tukuange kinautolu, ‘o a‘u ki he taimi ‘o e fā‘ele ‘a e fefine fā‘ele: pea ko e toe ‘o hono kāinga te nau foki ke fakataha mo ha‘a ‘Isileli. 4Pea te ne tu‘u, ‘o tauhi ‘i he ivi ‘o Sihova, ‘i he fotu ‘o e huafa ‘o Sihova ko hono ‘Otua: talu ai ‘enau nofo; he kuo hoko ia ‘o fotu ‘o a‘u ki he ngaahi ngata‘anga ‘o māmani.
Ko e Fakamo‘ui mo e Tautea
5Pea ‘e hoko ‘a e toko taha ko ia ko e melino‘anga: ka ha‘u ‘a ‘Āsilia ki hotau fonua, pea ka moe‘i ‘e ia hotau ngaahi palasi, te tau toki fokotu‘u ke fai mo ia ha fitu‘i tauhi, ‘io, ha valu‘i tangata ‘oku ma‘u lakanga.#5.5 pe ha kau pani.
6Pea te nau fafanga ‘a e fonua ‘o Sīlia ‘aki ‘a e heletā, mo e fonua ‘o Nimilote ‘i hono ngaahi hū‘anga ko ia; te ne#5.6 ne: Ko hono faka-Hepeluú ia, ka ‘oku ngali tonu hono hiki ‘o: nau. fakahaofi mei ‘Āsilia ‘i he‘ene ha‘u ki hotau fonua, pea ‘i he‘ene moe‘i hotau tafafonua.#Sēn 10.8-11
7Pea ‘e huluni ‘a e toenga ‘o Sēkope ‘i he ngaahi kakai lahi, hangē ko ha hahau meia Sihova, hangē ko e tō ‘a e ngaahi tulutā ‘uha ki he musie: ‘a ia ‘oku ‘ikai ke fakaongo ki ha ‘eiki, pea ‘oku ‘ikai ke tali ki ha‘a lāuvale. 8‘E hoko foki ‘a e toenga ‘o Sēkope ki he ngaahi pule‘anga, ‘o lotolotoi ‘i he ngaahi kakai lahi, hangē ha laione ‘i he fanga manu ‘o e vao, hangē ha manu hau ‘i he ngaahi tākanga sipi mo kosi; ‘a ia, ka laka atu ia, ‘oku ne malaki mo hae, pea ‘oku ‘ikai ha taha ‘e mafakahaofi.
9Ke hiki tā ho nima ki ho kau fakamamahi,
Pea ke tu‘usi ho ngaahi fili kotoa.
10Pea ‘e hoko ‘i he taimi ko ia–ko Sihova ia mei he Ta‘ehāmai–te u fakaeve ‘a e fanga hoosi ‘oku ‘iate koe, pea te u faka‘auha ho‘o ngaahi sāliote. 11Pea te u tu‘usi ‘a e ngaahi kolo ‘o ho fonua, pea te u holoki ho ngaahi talitau‘anga kotoa: 12pea te u tu‘usi ‘a e toenga faituki ‘oku ke fai; pea ‘e ‘ikai toe ‘iate koe ha kau fai sausau: 13pea te u fakaeve ho ngaahi ‘īmisi mo ho‘o ngaahi pou tapu, ‘a ia ‘oku ‘iate koe; pea ‘e ‘ikai te ke toe hū ki he me‘a na‘e ngaohi ‘e ho nima. 14Pea te u ta‘aki ‘a e ngaahi ‘āsela ‘oku ‘iate koe, pea te u maumau ho ngaahi kolo. 15Pea te u fai sauni ‘i he ‘ita mo e kakaha ‘i he ngaahi pule‘anga ‘oku ‘ikai ke fakaongo.#5.15 pe ha me‘a kuo te‘eki ke nau fanongo ki ai.
Currently Selected:
KO MAIKA 5: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
