Popular Bible Verses from KO MAIKA 4

Share

He ko e ngaahi kakai kātoa ‘oku nau ‘alu ‘aki takitaha ‘a e huafa ‘o hono ‘otua, pea ko kitautolu te tau ‘alu ‘aki ‘a e huafa ‘o Sihova ko hotau ‘Otua, ‘o lauikuonga pea ta‘engata.

‘Io, ‘e ō ange ‘a e ngaahi pule‘anga lahi, pea te nau pehē, Ha‘u ā, ka tau ‘alu hake ki he mo‘unga ‘o Sihova, pea ki he fale ‘o e ‘Otua ‘o Sēkope; pea te ne ako kiate kitautolu hano ngaahi ‘alunga, pea te tau fou ‘i hono ngaahi founga: he ko Saione ‘e ‘alu mei ai ‘a e fakahinohino, mo e folofola ‘a Sihova mei Selusalema.

PEA ‘e hoko ‘o pehē ‘i he kuonga ‘amui, ‘e fokotu‘u ‘a e mo‘unga ‘o e fale ‘o Sihova ko e ‘ulu ‘o e ngaahi mo‘unga, pea ‘e mahiki hake ia ‘i he ngaahi fo‘i mā‘olunga; pea ‘e tafe ki ai ‘a e ngaahi kakai.

Pea te ne fakamaau ‘a e vaha‘a ‘o e ngaahi kakai lahi, pea te ne sivi ‘a e me‘a ‘a e ngaahi pule‘anga kaukaua ‘o fai atu ki he mama‘o; pea te nau tuki huo toho ‘aki ‘enau ngaahi heletā, mo e ngaahi hele ‘auhani ‘aki honau tao: ‘e ‘ikai ofa ha heletā ‘e ha pule‘anga ki ha pule‘anga, pea ‘e ‘ikai kei fai ha ako tau.