Mātiú 12

Ko e fehu‘i he Sāpaté

(Ma‘ake 2.23-28; Luk 6.1-5)

1‘I he taimi ko ia na‘e fononga ‘a Sīsū ‘i he ‘aho Sāpate, ‘o ne hala loto ngoue: pea na‘e fiekaia ‘ene kau ako, ‘o nau kamata toli ‘a e ngaahi fo‘i uite, ‘o kai.#Teu 23.25 2Pea ‘i he sio ki ai ‘a e kau Fālesi, na‘a nau pehē kiate ia; Vakai, ‘oku fai ‘e ho‘o kau ako ‘a e me‘a ‘oku ‘ikai ngofua ke fai ‘i he Sāpate.

3Ka ka pehē ‘e ia kiate kinautolu, Na‘e ‘ikai te mou lau ‘a e me‘a na‘e fai ‘e Tēvita ‘i he‘ene hālofia mo kinautolu na‘e ‘iate ia?#1 Sām 21.1-6 4‘a ‘ene hū ki he Fale ‘o e ‘Otua, ‘o ne kai ‘a e mā fono, ‘a ia na‘e ‘ikai ngofua kiate ia ke kai, ‘uma‘ā ‘a kinautolu na‘e ‘iate ia, ngata pē ‘i he kau taula‘eiki?#Lev 24.9 5Pea na‘e ‘ikai te mou lau ‘i he Lao, ‘o pehē, Ko e kau taula‘eiki ‘oku ‘i he Temipale ‘i he Sāpate, ‘oku nau maumau Sāpate kae ‘ata‘atā pē?#Nōm 28.9-10 6Pea ‘oku ou tala atu, ‘oku ‘i heni ha me‘a ‘oku lahi ‘i he Temipale. 7Pea ka ne mou ‘ilo hono ‘uhinga ‘o e me‘a ni, Ko e meesi ‘oku ou tangi ki ai, ‘o ‘ikai ko e feilaulau, pehē ne ‘ikai te mou fakahalaia ‘a e ‘ata‘atā.#Māt 9.13; Hōs 6.6 8He ko e Fanautama ‘a Tangata ko e ‘Eiki ia ‘o e Sāpate.

Ko e Tangata Nima Mate

(Ma‘ake 3.1-6; Luk 6.6-11)

9Pea hiki ia ki ha potu kehe, ‘o ne hū ki honau falelotu. 10Pea tā na‘e ‘i ai ha tangata ‘oku nima mate. Pea nau fehu‘i kiate ia, ‘o pehē, ‘oku ngofua ‘apē ke faito‘o ‘i he Sāpate? Koe‘uhi ke nau faka‘ilo ia.

11Ka ka pehē ‘e ia kiate kinautolu, Ko e tangata fē ‘iate kimoutolu, ‘a ia ‘oku ne ma‘u ha sipi ‘e toko taha, pea tō ia ki ha luo ‘i he Sāpate, ‘e ‘ikai te ne puke ia ‘o ‘ohake, ‘ō?#Luk 14.5 12Pea hono ‘ikai mahu‘inga ha tangata ‘i ha sipi? Ko ia ‘oku ngofua pē ‘i he Sāpate ke ngāue ‘aonga. 13Pea toki pehē ‘e ia ki he tangata, Mafao atu ho nima. Pea ne mafao atu. Pea na‘e toe mo‘ui lelei mai, ‘o hangē ko e nima ‘e taha.

14Pea ‘alu kitu‘a ‘a e kau Fālesi, ‘o nau puleaki‘i, pe ‘e fēfē ha‘anau tāmate‘i ia.

Ko e Tamaio‘eiki Na‘e Fili ‘e he ‘Otuá

15Ka ka ‘ilo ki ai ‘e Sīsū, ‘o ne ‘alu mei he potu ko ia; pea muimui ki ai ha tokolahi, pea ne fakamo‘ui ‘a kinautolu kotoa pē; 16pea ne na‘ina‘i ki ai, ke ‘oua te nau fakae‘a ia. 17Koe‘uhi ke fakamo‘oni ‘a e me‘a na‘e folofola‘aki ‘ia ‘Aisea ko e palōfita, ‘o pehē,

18Ko eni ‘eku Sevāniti kuo u fili,#‘Ais 42.1-4 (LXX)

‘A ‘eku Pele, ‘a ia na‘e hōifua ai hoku finangalo:

Te u ‘ai hoku laumālie kiate ia,

Pea te ne fakahā ki he Senitaile ‘a e fai fakamaau.

19‘E ‘ikai te ne fakakikihi, ‘uma‘ā ha lea lahi;

‘Io, ‘e ‘ikai fanongo ‘e ha taha mei hala ki hono le‘o.

20Ko e kofe kuo foa ‘e ‘ikai te ne laiki,

Pea ko e vavae ‘oku kohu ‘e ‘ikai te ne tāmate‘i,

Kae‘oua ke ne ‘ai atu ‘a e fakamaau ke ikuna.

21Pea ‘e falala ‘a e Senitaile ki hono huafa.

Ko e Ui ‘o Sīsū ko e Pule Tēvolo

(Ma‘ake 3.20-30; Luk 11.14-23; 12.10)

22Pea na‘e toki ‘omi kiate ia ha tangata ‘āvea na‘e kui mo noa; pea ne fakamo‘ui ia: kae‘uma‘ā ne lea ai ‘ene noa, mo ne ‘ā. 23Pea fakatumutumu ai kotoa pē ‘a e kakai, ‘o nau pehē, ‘oku ‘ikai nai ko e Hako ‘o Tēvita ‘eni, ‘ē?

24Ka ko e kau Fālesi, ‘i he‘enau fanongo ki ai na‘a nau pehē, ‘oku ‘ikai fai ‘e he siana ni ‘ene kapusi tēvolo kae ‘ia Pelisipupe pē, ko e ‘eiki ‘o e kau tēvolo.#Māt 9.34; 10.25

25Ka ka ‘ilo ‘e ia ‘enau fakakaukau, ‘o ne pehē ki ai, ‘Ilonga ha pule‘anga ‘oku mavahevahe mo fetu‘usi, ‘e lusa: pea ‘ilonga ha kolo pe ha ‘api ‘oku mavahevahe mo fetu‘usi, ‘e ‘ikai tu‘u: 26pea kapau ‘oku kapusi ‘e Sētane ‘a Sētane, tā ‘oku vahevahe ia, ‘o fetu‘usi mo ia: pea tu‘u fēfē hono pule‘anga? 27Kae‘uma‘ā kapau ‘oku ou fai ‘eku kapusi tēvolo ‘ia Pelisipupe, pea ‘oku fai ‘ia hai ‘e ho‘omou kau tama? Ko ia ko kinautolu te mou halaia mei ai. 28Ka ‘o kapau ko e Laumālie ‘o e ‘Otua ‘oku ou fai ai ‘eku kapusi tēvolo, pea tā kuo a‘u mai kiate kimoutolu ‘a e Pule‘anga ‘o e ‘Otua.

29He lava fēfē ‘e ha taha ke hū ki he fale ‘o ha to‘a, ‘o vete ‘ene koloa? kae‘oua mu‘a ke ne ha‘i ‘a e to‘a, pea te ne toki lava ke vete hono fale.

30Ko ia ‘oku ‘ikai kau mo au ‘oku ne tu‘u kiate au; pea ko ia ‘oku ‘ikai te ne kau mo au ‘i he fakatahataha ‘oku ne fakamovetevete.#Ma‘ake 9.40 31Ko ia ‘oku ou tala atu, ‘Ilonga ha angahala, pe ha lau‘ikovi ‘o e ‘Otua,#12.31 ha… ‘Otuá; pe ha lau‘ikovi. ka ‘e fakamolemole pē ki he kakai: ka ko e lau‘ikovi ‘o e Laumālie ‘e ‘ikai fakamolemole. 32Pea ‘ilonga ‘a ia te ne ‘ai ha lea ‘oku kau kovi ki he Fanautama ‘a Tangata ‘e fakamolemole ia: ka ‘ilonga ‘a ia te ne ‘ai ha lea ‘oku kau kovi ki he Laumālie Mā‘oni‘oni, ‘e ‘ikai fakamolemolea ia, pe ‘i he maama ko eni, pe ‘i he maama kaha‘u.#Luk 12.10

Ko e ‘Akau mo Hono Fua

(Luk 6.43-45)

33Kehe pē ke mou lau ‘oku lelei ‘a e ‘akau mo lelei hono fua, pe te mou lau ‘oku tamaki ‘a e ‘akau mo tamaki hono fua: he ko hono fua ‘oku ‘ilonga ai ‘a e ‘akau.#Māt 7.20; Luk 6.44 34‘a e hako‘i ngata fekai, te mou lava fēfē ke lea‘aki ‘a e ngaahi me‘a ‘oku lelei, ka ko e fa‘ahinga ‘oku kovi? He ko e talanoa ‘a e ngutu ‘oku mei he me‘a ‘i he loto ‘oku hulu atu.#Māt 3.7; 23.33; 15.18; Luk 3.7; 6.45 35Ko e tangata lelei ‘oku ne laku atu ‘a e me‘a ‘oku lelei mei he koloa lelei kuo fa‘o ai: pea ko e tangata kovi ‘oku ne laku atu ‘a e me‘a ‘oku kovi mei ke koloa kovi kuo fa‘o ai.

36Pea ‘oku ou tala atu, Neongo ko ha fo‘i lea papūnoa ‘a e kakai, ka te nau fakamatala ki ai ‘i he ‘Aho Fakamaau: 37he ko ho‘o ngaahi lea ‘e tautau ki ai ho‘o tonuhia, pea ko ho‘o ngaahi lea ‘e tautau ki ai ho‘o halaia.

Ko e Fie Ma‘u Fakamo‘oni mei Langi

(Ma‘ake 8.11-12; Luk 11.29-32)

38Na‘e toki tali kiate ia ‘e he ni‘ihi ‘o e kau sikalaipe mo e kau Fālesi, ‘o pehē, Tangata‘eiki, ‘oku mau fiema‘u meiate ko e ha faka‘ilonga ke mau sio ki ai.#Māt 16.1; Ma‘ake 8.11; Luk 11.16

39Ka ka tali ‘e ia ‘o ne pehē kiate kinautolu, Ko ha to‘utangata faikovi ia, mo ha to‘utangata alafia kae fe‘auaki, ‘oku tangi ki ha faka‘ilonga: ka ‘oku ‘ikai ha faka‘ilonga ‘e ‘ange ki ai, ngata pē ‘i he faka‘ilonga ‘o Siona ko e palōfita:#Māt 16.4; Ma‘ake 8.12 40he ‘oku hangē ko e ‘i he kete ‘o e fu‘u ika ‘a Siona, ‘o ‘aho tolu mo pō tolu; pehē ‘e ‘i lolofonua ‘a e Fanautama ‘a Tangata, ‘o ‘aho tolu mo pō tolu.#Sioná 1.17 41‘E hopo mo e to‘utangata ni ‘i he fakamaau ‘a e kakai Ninive, pea te nau fakahalaia ia: he na‘e fakatomala ‘e kinautolu ‘i he malanga ‘a Siona: kae vakai, ‘oku ‘i heni ha me‘a ‘oku lahi ‘ia Siona.#Sioná 3.5 42‘E tutu‘u ‘i he fakamaau ‘a e Kuini ‘o e Feitu‘u Tonga, pea mo e to‘utangata ni, pea te ne fakahalaia ia: he na‘a ne ha‘u mei he ngata‘anga ‘o māmani ke fanongo ki he poto ‘a Solomone: kae vakai ‘oku ‘i heni ha me‘a ‘oku lahi ‘ia Solomone.#1 Tu‘i 10.1-10; 2 Kal 9.1-12

Ko e Toe Foki ‘a e Laumālie Kovi

(Luk 11.24-26)

43‘Io, ka ‘alu atu ‘a e fa‘ahikehe mei he tangata, ‘oku ne ‘osiki ‘a e ngaahi potu mamate ‘ene ‘alu, ko e ha‘ao ha mālōlō‘anga, kae ‘ikai ‘ilo. 44Toki pehē ‘e ia, Ka u foki mu‘a ki hoku fale, ‘a ia na‘a ku ‘alu mei ai. Pea ‘i he‘ene a‘u mai, tā ‘oku kei ‘atā, kuo tafi mo teuteu. 45‘Alu leva ia ‘o ma‘u mai mo ha fa‘ahikehe ‘e fitu, ko ha fa‘ahinga ‘e taha ‘oku kovi ange ‘iate ia, pea nau hū mai, ‘o nofo ai. Pea hoko ai ki he tangata ko ia, ‘o lahi ‘ene kovi ki mui ‘i he‘ene kovi mu‘a. ‘E pehē pē foki ki he to‘utangata faikovi ni.

Ko e Fa‘ē mo e Ngaahi Tokoua ‘o Sīsū

(Ma‘ake 3.31-35; Luk 8.19-21)

46Pea lolotonga ‘ene kei lea ki he kakai, ‘iloange kuo tutu‘u mei tu‘a ‘ene fa‘ē mo hono ngaahi tokoua, ko ‘enau fie lea kiate ia. 47Pea pehē ange ‘e ha taha kia Sīsū, ‘Ē, ko ho‘o fa‘ē mo ho ngaahi tokoua ‘oku tutu‘u mei tu‘a, ‘oku nau fie lea kiate koe.#12.47 ‘Oku ‘ikai ke ‘asi ‘a e vēsí ni ‘i hono ngaahi hiki fuoloa ‘e ni‘ihi.

48Ka ka tali ‘e ia, ‘o ne pehē kiate ia na‘e lea mai, Ko hai ia ‘eku fa‘ē? Pea ko hai ‘a kinautolu ko hoku ngaahi tokoua? 49Pea ne mafao atu hono nima ki he‘ene kau ako, ‘o ne pehē, Ko eni ia ‘eku fa‘ē mo hoku ngaahi tokoua! 50He ka ‘ilonga ‘a ia ‘oku ne fai ‘a e finangalo ‘o ‘eku Tamai ‘oku ‘i Hēvani, ko ia ia ‘a hoku tokoua, mo hoku tuofefine, mo ‘eku fa‘ē.

Currently Selected:

Mātiú 12: TMB

Highlight

Compare

Copy