Popular Bible Verses from Mātiú 12

Share

Pea ‘oku ou tala atu, Neongo ko ha fo‘i lea papūnoa ‘a e kakai, ka te nau fakamatala ki ai ‘i he ‘Aho Fakamaau: he ko ho‘o ngaahi lea ‘e tautau ki ai ho‘o tonuhia, pea ko ho‘o ngaahi lea ‘e tautau ki ai ho‘o halaia.

‘a e hako‘i ngata fekai, te mou lava fēfē ke lea‘aki ‘a e ngaahi me‘a ‘oku lelei, ka ko e fa‘ahinga ‘oku kovi? He ko e talanoa ‘a e ngutu ‘oku mei he me‘a ‘i he loto ‘oku hulu atu.

Ko e tangata lelei ‘oku ne laku atu ‘a e me‘a ‘oku lelei mei he koloa lelei kuo fa‘o ai: pea ko e tangata kovi ‘oku ne laku atu ‘a e me‘a ‘oku kovi mei ke koloa kovi kuo fa‘o ai.

Ko ia ‘oku ou tala atu, ‘Ilonga ha angahala, pe ha lau‘ikovi ‘o e ‘Otua, ka ‘e fakamolemole pē ki he kakai: ka ko e lau‘ikovi ‘o e Laumālie ‘e ‘ikai fakamolemole.

Kehe pē ke mou lau ‘oku lelei ‘a e ‘akau mo lelei hono fua, pe te mou lau ‘oku tamaki ‘a e ‘akau mo tamaki hono fua: he ko hono fua ‘oku ‘ilonga ai ‘a e ‘akau.