KO SELEMAIA 31
31
Ko e Foki ki ‘Api ‘a ‘Isileli
1‘I HE taimi ko ia–ko Sihova eni mei he Ta‘ehāmai–te u hoko ko e ‘Otua ‘o e ngaahi fāmili kotoa ‘o ‘Isileli, pea ‘e hoko ‘e kinautolu ko hoku kakai. 2Ko e folofola eni ‘a Sihova, Ko e kakai na‘e hao mei he heletā kuo ta‘imālie ha ‘ofa ‘i he toafa; ka u ‘alu ‘o fakamālōlō ia, ‘io, ‘a si‘i ‘Isileli. 3Kuo hā ‘a Sihova kiate au#31.3 au; Ko hono faka-Hepeluú ia, ka ‘oku pehē ‘i he hiki fuoloa ‘e taha: kinautolu. mei he potu mama‘o na, ‘o ne folofola mai, Tala atu, kuo u ‘ofa‘i koe ‘aki ha ‘ofa ta‘engata: ko ia, kuo u toloaki ma‘au ‘a e meesi.#31.3 kuó u… meesi; pe kuo u toho ‘aki koe ‘a e ‘ofa. 4Te u toe langa ‘aki koe, ‘io, ‘e langa koe, si‘i tāupo‘ou ko ‘Isileli: ‘e toe teu ‘aki koe ‘a e nafa fāngongo, pea te ke toe ‘alu atu ‘i he me‘e ‘a e kau fakafiefia. 5Te ke toe tō ngoue vaine ‘i he ngaahi mo‘unga ‘o Samēlia: ‘e tō ‘e he kau tō, pea te nau tokoni ‘aki. 6He ‘e ‘i ai ha ‘aho ‘e kalanga ‘a e kau le‘o ‘i Mo‘unga ‘Ifalemi, Tu‘u, ka tau ‘alu hake ki Saione, kia Sihova ko hotau ‘Otua.
7He ko e folofola eni ‘a Sihova, Hiki mavava ma‘a Sēkope, fiefia mo fākaulu, he ko e ‘uluaki ‘o e ngaahi kakai. ‘Ai ke maongo ho‘omou fakamālō, pea mou pehē, ‘E Sihova, fakahaofi ho#31.7 ‘E Sihova… ho; Ko hono faka-Hepeluú ia, ka ‘oku pehē ‘i he ngaahi hiki fuoloa ‘e ni‘ihi: Kuo fakahaofi ‘e Sihova ‘a hono kakaí. kakai, ‘a e toenga ‘o ‘Isileli. 8Ko au eni te u ‘omi kinautolu mei he fonua tokelau, pea te u tānaki kinautolu mei he ngaahi ngata‘anga ‘o māmani, ‘oku ‘iate kinautolu ‘a e kui, mo e heke; ‘e ai mo e fefine feitama mo e fefine fā‘ele fakatou‘osi: te nau foki ki heni ko e fononga tokolahi. 9Te nau omi tangi, pea te u taki kinautolu mo e hū fakamātoato: te u ‘ave kinautolu ki he ngaahi tafenga vai ‘i ha hala tokamālie, ‘a ia ‘e ‘ikai te nau humu ai, he kuo u hoko ko e tamai ki ‘Isileli, pea ko ‘Ifalemi ko hoku ‘uluaki.
10Fanongo ki he folofola ‘a Sihova, ‘a e ngaahi pule‘anga na, pea mou fanongonongo ‘i he ngaahi motu mama‘o; ‘o mou pehē, Ko ia na‘a ne veteki ‘a ‘Isileli te ne toe tānaki, ‘o tauhi ki ai, ‘o hangē ko e fai ‘e ha tauhi sipi ki he‘ene tākanga. 11He kuo huhu‘i ‘e Sihova ‘a Sēkope, ‘o fakatau mai mei he nima ‘o ia na‘e mālohi ange ‘iate ia. 12Pea te nau omi, ‘o hiki mavava ‘i funga Saione, pea te nau matua mai ki he ‘ofa ‘a Sihova, ke kai ‘a e uite, mo e uaine, mo e lolo, mo e ‘uhiki‘i sipi mo e ‘uhiki‘i pulu: pea ko honau laumālie ‘e hangē ko ha ngouetapu vai‘ia; pea ‘e ‘ikai te nau toe faka‘au‘ausino. 13Toki fiefia ‘a e ta‘ahine ‘i he me‘e, pea fiefia ‘a e talavou mo e mātu‘a fakataha: pea te u liliu ‘enau tangi ko e nēkeneka, pea te u ‘ai ke nau fiemālie, pea te u ‘ai ke nau fiefia, ‘o tuku ‘a e mamahi. 14Pea te u fakatopono ‘a e kau taula‘eiki ‘i he kai ngako, pea ‘e mākona hoku kakai ‘i he me‘a‘ofa ‘a‘aku–ko Sihova ia mei he Ta‘ehāmai.
Ko e ‘Alo‘ofa ‘a Sihova ki ‘Isileli
15Ko e folofola eni ‘a Sihova:#Sēn 35.16-19; Māt 2.18 Na‘e ongona ‘i Lama ha le‘o, ko e tangi mo e fu‘u tangilāulau, ko e tēngihia ‘e Lesieli ‘ene fānau: ‘oku ‘ikai te ne tali ha fakafiemālie koe‘uhi ko ‘ene fānau; he kuo nau mole. 16Ko e folofola eni ‘a Sihova: Ta‘ofi ho le‘o mei he tangi, mo ho mata mei he lo‘imata: he ai ha totongi ki ho‘o fakaongosia–ko Sihova ia mei he Ta‘ehāmai–he te nau foki mei he fonua ‘o e fili. 17Pea ‘oku ai ha‘o ‘amanaki ki he ‘amui–ko Sihova ia mei he Ta‘ehāmai–pea ‘e foki ho‘o fānau ki honau feitu‘u. 18Hangehangē na‘a ku ongo‘i ‘i ‘Ifalemi ‘oku ai ‘ene hanu, ‘o pehē, Na‘a ke kinisi au, pea u ongo‘i ho‘o kinisi, hangē ko e fai ki ha ki‘i pulu te‘eki maheni: fakatafoki au, pea te u lava ke tafoki; he ko Sihova koe ko hoku ‘Otua. 19Seuke, hili hoku fakatafoki na‘a ku fakatomala; pea hili hoku fakapoto‘i na‘a ku sī tenga: na‘a ku mā, ‘io, na‘a ku laea foki, he na‘e hilifaki kiate au hoku namukū he‘eku talavou. 20Tā ‘apē ko e foha mahu‘inga kiate au ‘a ‘Ifalemi? tā ko e tamasi‘i pele? he ka u ka talatalaaki‘i ia, ‘oku ou kei manatu ‘aupito ki ai.#31.20 ka u… ki ai; pe ko ‘eku pu‘aki ma‘u pē ho hingoá, peá u manatu atu mo e loto‘ofa. Ko ia ‘oku tokomohū hoku fatu ki ai; kuo pau ke u ‘ofa ki ai–ko Sihova ia mei he Ta‘ehāmai. 21Fokotu‘u hao ngaahi maka fakamanatu, ‘ai hao ngaahi pou faka‘ilonga: tokanga loto ki he hala tanu, ‘io, ‘a e hala na‘a ke fononga ai. Foki mai, si‘i tāupo‘ou ko ‘Isileli, foki ki ho ngaahi kolo ni. 22‘E ngata ‘afē ho‘o fe‘alu‘alu‘aki, si‘i fefine fakaholomui, he kuo fakatupu ‘e Sihova ha me‘a fo‘ou ‘i māmani: ‘oku ‘a e fefine ke fā‘ofua ki he tangata.#31.22 ‘oku ‘a e fefine ke fā‘ofua ki he tangata; ‘Oku ‘ikai ke mahino ‘a hono faka-Hepelū ‘o e vēsí ni.
Ko ha Tu‘umālie ma‘á e Kakai ‘a e ‘Otuá he Kaha‘ú
23Ko e folofola eni ‘a Sihova Sāpaoti, ko e ‘Otua ‘o ‘Isileli: Te nau toe ngāue‘aki ‘a e lea ko eni ‘i he fonua ‘o Siuta, mo hono ngaahi kolo, ‘i he‘eku liliu ‘enau pōpula: Tauange mo Sihova ke ne tāpuaki‘i koe, si‘i nofo‘anga ‘o e faitotonu, Si‘i mo‘unga ‘o e mā‘oni‘oni!#31.23 mo‘unga ‘o e mā‘oni‘oni; Ko e Mo‘unga ko Saione ia, ko e mo‘unga ‘i Selusalema, pea na‘e tu‘u ‘i he feitu‘u na‘e langa ai e Temipalé mo e Palasí. 24Pea ‘e nofo fakataha ai ‘a Siuta mo hono ngaahi kolo; ‘a e kau fa‘a mo kinautolu ‘oku ‘alu fano mo e ngaahi tākanga. 25He kuo u fakatopono ‘a e laumālie ongosia, pea kuo u fakamākona ‘a e laumālie kotoa ‘oku ‘alefa. 26Na‘a ku ‘ā ‘i he me‘a ko ia, ‘o u vakai; tā kuo melie ‘eku mohe kiate au.
27Vakai, ‘oku hoko ha taimi–ko Sihova eni mei he Ta‘ehāmai–‘a ia te u tō ma‘ala ai ‘a e fale ‘o ‘Isileli mo e fale ‘o Siuta, ‘o fai‘aki ‘a e pulopula ‘o e tangata, mo e pulopula ‘o e manu. 28Pea hangē ko ‘eku lamasi kinautolu ke ta‘aki mo holoki, pea ke hae mo maumau mo ngaohikovi‘i; pehē te u lamasi kinautolu ke langa hake mo tōkaki–ko Sihova ia mei he Ta‘ehāmai. 29‘I he taimi ko ia ‘e ‘ikai te nau kei lau, ‘o pehē,#‘Isi 18.2 Mātu‘a ne kai ‘a e kālepi mahi, ka ko e nifo ‘o e fānau ‘oku maninia. 30Kaekehe, ‘e mate takitaha ‘i he‘ene kovi ‘a‘ana. ‘Ilonga ha tangata ‘oku ne kai ‘a e kālepi mahi, ko ho‘ona pē nifo ‘e maninia.
31Vakai, ‘oku hoko mai ha taimi–ko Sihova ia mei he Ta‘ehāmai–‘a ia te u fai ai mo e fale ‘o ‘Isileli mo e fale ‘o Siuta ha fuakava fo‘ou–#Māt 26.28; Ma‘ake 14.24; Luk 22.20; 1 Kol 11.25; 2 Kol 3.6 #Hep 8.8-12 32taha kehe ‘a e fuakava ne u fai mo ‘enau ngaahi kui ‘i he taimi na‘a ku puke honau nima ke taki mai mei ‘Isipite; ‘a e kovinānite ko ia ‘a‘aku na‘a nau maumau‘i; ‘osi, na‘a ku nofo ‘e au ko honau husepāniti–ko Sihova ia mei he Ta‘ehāmai. 33Ka ko eni ‘a e kovinānite te u fai mo e fale ‘o ‘Isileli hili ‘a e taimi ko ē–ko Sihova eni mei he Ta‘ehāmai–te u ‘ai ki loto ‘eku lao, ‘io, te u tongi ia ki honau loto; pea te u nofo ko honau ‘Otua, pea te nau nofo ko hoku kakai.#Hep 10.16 34Pea ‘e ‘ikai kei ako ‘e ha taha ki hono kaungā‘api, pe ki hono kāinga, ‘o pehē, Mou ‘ilo ‘a Sihova: he te nau ‘ilo au kotoa pē, ‘o fai mei he si‘i ki he lahi–ko Sihova ia mei he Ta‘ehāmai. He te u fakamolemole ‘enau kovi, pea ko ‘enau ngaahi angahala ‘e ‘ikai te u toe manatua.#Hep 10.17 35Ko e folofola eni ‘a Sihova, ‘a ‘Ene ‘Afio ‘oku ne tuku mai ha la‘ā ke fakamaama, ‘aho, mo e ngaahi fāliunga ‘o e māhina mo e ngaahi fetu‘u ke fakamaama ‘i he pō, ‘a e ‘Afio ‘oku ne ue‘i ‘a e tahi ke ‘u‘ulu hono peau; ko Sihova Sāpaoti hono huafa: 36Kapau ‘e lava ke hiki ‘a e ngaahi fāliunga ko ia ha taimi mei he fe‘ao mo au–ko Sihova eni mei he Ta‘ehāmai–‘e toki tuku foki ‘a e hako ‘o ‘Isileli ‘enau fe‘ao mo au ko e kakai. 37Ko e folofola eni ‘a Sihova: Kapau ‘e lava ke fua ‘a e langi ‘i ‘olunga, pea ke hakule ‘a e ngaahi tu‘unga ‘o māmani ‘i lalo, te u toki li‘aki ‘a e hako kotoa ‘o ‘Isileli, koe‘uhi ko e ngaahi me‘a kehekehe kuo nau fai–ko Sihova ia mei he Ta‘ehāmai.
38Vakai, ‘oku hoko mai ha taimi–ko Sihova eni mei he Ta‘ehāmai–‘a ia ‘e langa ai ‘a e kolo mo‘o Sihova, mei he taua ‘o Hananeli, ‘o a‘u ki he matanikolo ‘o e tuliki. 39Pea ‘e toe ‘alu atu ‘a e kafa fua fakahangatonu ‘i he funga mā‘olunga ko Kālepi, pea afe hifo ki Koa. 40Pea ko e tele‘a kotoa ‘o e ngaahi ‘anga‘anga mo e efuefu, pea mo e ngaahi ngoue‘anga kotoa ‘o a‘u ki Vai Kitiloni, ‘o a‘u ki he tuliki ‘o e matapā hoosi mei hahake, ‘e tāpuhā ia kia Sihova; ‘e ‘ikai toe ta‘aki, pea ‘e ‘ikai toe holoki, ‘o ta‘engata.
Currently Selected:
KO SELEMAIA 31: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
