Popular Bible Verses from KO SELEMAIA 31

Share

Kuo hā ‘a Sihova kiate au mei he potu mama‘o na, ‘o ne folofola mai, Tala atu, kuo u ‘ofa‘i koe ‘aki ha ‘ofa ta‘engata: ko ia, kuo u toloaki ma‘au ‘a e meesi.

He kuo u fakatopono ‘a e laumālie ongosia, pea kuo u fakamākona ‘a e laumālie kotoa ‘oku ‘alefa.

Ka ko eni ‘a e kovinānite te u fai mo e fale ‘o ‘Isileli hili ‘a e taimi ko ē–ko Sihova eni mei he Ta‘ehāmai–te u ‘ai ki loto ‘eku lao, ‘io, te u tongi ia ki honau loto; pea te u nofo ko honau ‘Otua, pea te nau nofo ko hoku kakai. Pea ‘e ‘ikai kei ako ‘e ha taha ki hono kaungā‘api, pe ki hono kāinga, ‘o pehē, Mou ‘ilo ‘a Sihova: he te nau ‘ilo au kotoa pē, ‘o fai mei he si‘i ki he lahi–ko Sihova ia mei he Ta‘ehāmai. He te u fakamolemole ‘enau kovi, pea ko ‘enau ngaahi angahala ‘e ‘ikai te u toe manatua.

Vakai, ‘oku hoko mai ha taimi–ko Sihova ia mei he Ta‘ehāmai–‘a ia te u fai ai mo e fale ‘o ‘Isileli mo e fale ‘o Siuta ha fuakava fo‘ou– taha kehe ‘a e fuakava ne u fai mo ‘enau ngaahi kui ‘i he taimi na‘a ku puke honau nima ke taki mai mei ‘Isipite; ‘a e kovinānite ko ia ‘a‘aku na‘a nau maumau‘i; ‘osi, na‘a ku nofo ‘e au ko honau husepāniti–ko Sihova ia mei he Ta‘ehāmai.