KO ‘AISEA 9
9
1HE ‘oku ‘ikai ha pūlou ki he fonua ‘oku ‘i ai ‘a e mamahi.
Ko e taimi mu‘a na‘a ne fakame‘avale‘i.#Māt 4.15
Ko e Tu‘i ‘a ia ‘e Hoko Mai
‘a e fonua ‘o Sepulone mo e fonua ‘o Nafitalai;
Ka ‘i he taimi kimui ‘oku ne fakalāngilangi‘i
‘a e hala tahi ‘a Tu‘a-Soatani, ‘a Kāleli ‘o e Senitaile.
2Ko e kakai na‘e nofo he po‘uli#Māt 4.16; Luk 1.79
‘Oku nau mamata ki ha maama lahi;
Ko e nofo ‘i he fonua ‘o e ‘ata ‘o mate,
‘Oku ulo ha maama kiate kinautolu.
3‘Oku ke fakatokolahi ‘a e pule‘anga,
‘Oku ke fakalahi ‘enau fiefia:#9.3 ‘Oku ke… fiefia; Ko hono faka-Hepeluú ia, ka ‘oku ngali tonu hono hiki ‘o: Kuó ke ‘ai ke nau fiefia lahi.
‘Oku nau fiefia ‘i ho ‘ao ‘o hangē ko e fiefia ‘i he ututa‘u,
Hangē ko e tome‘e ‘i he tufa vete.
4He ko e ‘ioke ‘oku ne kavenga‘ia ai,
Mo e ‘akau ha‘amo ‘oku kiate ia,
‘A e sēpita ‘o ia ‘oku ne fakaehaua ia,
Kuo ke laiki ia ke lailai ‘o hangē ko e ‘aho ‘o Mitiani.
5Seuke, ‘ilonga ha fakamālohi,
Kuo fakamālohia ia ‘i he fepaki,
Pea ‘ilonga ha pulupulu,
Kuo unufō ‘i he toto;
Pea kuo tuku kotoa ko e me‘a ke tutu,
Ko e me‘akai ‘a e afi.
6He kuo ‘alo‘i mai ha Tama,
Kuo tuku mai ha Foha:
Pea ‘e ‘i hono uma ‘a e pule‘anga.
Pea ko e huafa ‘e ui‘aki
Ko Fakaofo#9.6 Fakaofo; pe Fakapotopoto. - ‘ene-fale‘i,
ko e Helo-‘Otua,#9.6 Helo-‘Otua; pe Ko e ‘Otua Māfimafi.
Ko e Tamai Ta‘engata, ko e ‘Eiki ‘o e Melino.
7‘E ‘ikai fakangatangata
‘a e tupu ‘o ‘ene pule mo e melino,#Luk 1.32-33
‘Ene ‘afio ‘i he taloni ‘o Tēvita,
Mo ‘ene pule ki hono pule‘anga,
Ke fokotu‘u ia, pea ke pou ‘aki
‘a e fakakonisitūtone mo e faitotonu,
Mei he taimi ni ‘o fai atu ki he ta‘engata.
Ko e fua‘a ‘a Sihova
Sāpaoti te ne fai ‘a e me‘a ko ia.
8Fekau atu ‘e ‘Ātonai ha folofola kia Sēkope,
Pea tō ia ki ‘Isileli,
9Pea kuo pau ke ‘ilo ‘a e kakai kotoa, ‘a e ‘Ifalemi mo e nofo Samēlia, ‘a kinautolu ‘oku nau lau ‘i he mofuta mo e fielahi ‘o honau loto. 10Kuo holo koā ‘a e maka ‘umea?
Pea tau langa ‘aki ‘a e maka kuo hele.
Kuo tā koā ‘a e alanga sukamino?
Pea tau fetongi ‘aki ‘a e sita.
11Ka ‘e fokotu‘u ‘e Sihova ‘a e ngaahi fili ‘o Lēsini#9.11 ‘a e… Lēsini; Ko hono faka-Hepeluú ia, ka ‘oku ngali ngali ko hono hiki totonú ko e: honau ngaahi filí. ke mā‘olunga ‘iate ia, pea te ne ue‘i hono ngaahi fili; 12ko Sīlia mei hahake, pea ko e kau Filisitia mei hihifo; pea te nau keina ‘a ‘Isileli ‘aki ‘a e ngutu ‘oku mafa‘a.
Ka neongo ia kotoa,
Ka ‘oku ‘ikai lolou hono houhau,
Pea ‘oku kei mafao atu hono nima!
13Ka kuo ‘ikai tafoki ‘a e kakai kiate ia
Na‘a ne taa‘i kinautolu,
Pea ko Sihova Sāpaoti
Na‘e ‘ikai te nau kumi ki ai.
14Pea ‘e tu‘usi ‘e Sihova mei ‘Isileli ‘a e ‘ulu mo e iku, ‘a e lou-paame mo e kutu, ‘i ha ‘aho pē taha. 15Ko e mātu‘a mo e kakai ‘ilonga, ko e ‘ulu ia; pea ko e palōfita ako loi ko e iku ia. 16Pea kuo hoko ‘a e kau takimu‘a ‘o e kakai ni ko e kau taki hē; pea ko e kakai ‘oku takina ai ‘oku folofua. 17Ko hono ō ia ‘e ‘ikai fiefia ‘a ‘Ātonai ‘i honau kau talavou, pea ‘e ‘ikai te ne faka‘atu‘i ‘enau kau tamai mate mo honau kau uitou: he ko e kau mālualoi fua pē mo e faikovi, pea ko e ngutu kotoa ‘oku lea‘aki ‘a e koto vale.
Ka neongo ia kotoa,
Ka ‘oku ‘ikai lolou hono houhau,
Pea ‘oku kei mafao atu hono nima!
18He ‘oku vela ‘a e angahala hangē ha afi; ‘oku ne keina ‘a e talatala mo e ‘akau veli: ‘oku ne kohu hake ‘i he fihi ‘o e vao tātā, pea te nau takao, ‘o ‘alu hake ko e fu‘u pou kohu. 19‘I he mahua ‘a e houhau ‘o Sihova Sāpaoti kuo hoko ‘a e fonua ko e me‘a vela: pea kuo hoko ‘a e kakai ‘o hangē ko e me‘akai ‘a e afi; ‘oku ‘ikai ma‘ema‘ekina ‘e ha taha hono kāinga. 20Pea ‘oku nau tā mei to‘omata‘u, ka nau fiekaia pē; pea ‘oku nau keina mei to‘ohema, kae ‘ikai mākona: ‘oku nau kai takitaha ‘a e kakano ‘o honau nima ‘onautolu: 21‘oku fai ‘a Manase kia ‘Ifalemi, pea ‘oku fai ‘a ‘Ifalemi kia Manase: fai kinaua ‘osi pē kia Siuta.
Ka neongo ia kotoa,
Ka ‘oku ‘ikai lolou hono houhau,
Ka ‘oku kei mafao atu hono nima!
Currently Selected:
KO ‘AISEA 9: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
