KO ‘AISEA 8
8
Ko e Hoko ‘a e Foha ‘o ‘Aisea ko e Faka‘ilonga ki he Kakaí
1PEA folofola ‘a Sihova kiate au, To‘o mai ha tohi‘anga lahi, ‘o tohi ai ha tohi nima tavale,#8.1 ‘o… tavale; pe mata‘itohi lalahi; pe ‘aki ha mata‘i tohi ‘e lava ke lau ‘e he kakai kotoa pē. ‘o pehē, mo‘o Meha-sala-hase-pase.#8.1 Ko hono ‘uhingá ko e “‘Oho-o-vete-vave-‘o-fa‘ao”. 2Pea te u ma‘u mai ‘ani fakamo‘oni ‘oku ala falala ki ai, ‘a ‘Ūlaia ko e taula‘eiki, pea mo Sākalaia ko e foha ‘o Sipelikaia.
3Pea u ‘unu‘unu ki he palōfita fefine, pea ne feitama, ‘o ne fā‘ele‘i ha tama tangata. Pea folofola ‘a Sihova kiate au, Fakahingoa ko Meha-sala-hase-pase: 4he te‘eki ke poto ‘a e tamasi‘i ke lau, “‘Eku tamai,” “‘Eku fa‘ē,” ‘e fetuku ‘a e koloa ‘o Tāmasikusi mo e vete ‘o Samēlia ‘i he ‘ao ‘o e Tu‘i ‘Āsilia.
Ko e ‘Oho Mai ‘a e Tu‘i ‘Āsiliá
5Pea fai atu ‘e Sihova ‘ene folofola kiate au, ‘o ne toe pehē, 6Ko e me‘a ‘i he fakafisi‘i ‘e he kakai ni ‘a Vai Sailoame,#8.6 Vai Sailoame; A Ko e ki‘i vaitafe na‘e tafe atu mei ha vaitupu lahi ‘i he ‘āfaki fakahahake ‘o Selusalemá. ‘a ia ‘oku tafetafemālie, ka ko hono fiefia‘anga ‘a Lēsini#8.6 ka… Lēsini; Ko hono faka-Hepeluú ia, ka ‘oku ngali tonu hono hiki ‘o: mo tetetete. mo e foha ‘o Lemalaia; 7pea ko ia vakai, ko ‘Ātonai ē ‘oku ne ‘omi ke lōmaki‘i kinautolu ‘a e vai ‘o e Vaitafe, ‘a e vai kāfakafa mo lahi, ‘a e Tu‘i ‘Āsilia mo hono fu‘u lāngilangi. Pea te ne fakafonu hono ngaahi manga kotoa, pea te ne hake ‘i hono ngaahi kauvai kotoa. 8Pea te ne mōia atu ki Siuta; lōmekina mo tafe atu, kae‘oua ke a‘u ki he kia; pea ai ha mafola ki hē mo ē, hangē ha ongo kapakau ‘o fonu ai ‘a e māukupu ‘o ho fonua, ‘Imānuela ē.#8.8 pea ai… ho fonua; pe ‘o ‘ufi‘ufi e me‘a kotoa pē. ‘Oku ‘iate kitautolu ‘a e ‘Otuá! ‘Oku malu‘i ‘aki e fonuá ‘a hono ongo kapakaú, ‘a ia ‘oku mafola ki hē mo ē; pe ‘o ‘ufi‘ufi e me‘a kotoa pē. Te nau mafola ‘o ‘ufi‘ufi e fonuá. Ke ‘iate kitautolu ‘a e ‘Otuá.
9Mou fakapaupau‘u mai, ‘a e ngaahi kakai na,
Ka mou lailai;
Pea fokotu‘u telinga mai ‘a e nofo mama‘o ‘i māmani
‘Ai mahafu,
Ka mou lailai;
‘Ai mahafu
Ka mou lailai;
10Kumi fale‘i,
Kae iku noa;
Fai ‘a e folofola,
Kae ‘ikai tu‘u:
He ‘oku ‘iate kimautolu ‘a e ‘Otua.#8.10 Ko e lea faka-Hepelū ‘o e laine ko eni ko e ‘Imānuela.
11He na‘e folofola pehē ‘a Sihova kiate au, ‘o falala mamafa ‘a e Nima; ‘o ne akonaki‘i au ke ‘oua na‘a ku fou ‘i he hala ‘oku fou ai ‘a e kakai ni, he‘ene pehē, 12‘E ‘ikai te mou lau ko e lavaki ‘a e me‘a kotoa ‘oku ui ‘e he kakai ni ko e lavaki; pea ko e me‘a ‘oku nau manavahē ki ai, ‘e ‘ikai te mou manavahē ki ai,#1 Pit 3.14-15 13pea ‘e ‘ikai te mou mate ilifia ki ai, Ko Sihova Sāpaoti, ko ia ia te mou tāpuhaa‘i, pea ko ia ia homou manavahē‘anga, pea ko ia ia homou ilifia‘anga. 14Pea te ne hoko ko e fale tapu; ka ko e maka tūkia‘anga, pea ko e makatu‘u ke nau pā atu ki ai ‘o humu, ki he ongo fale ‘Isileli fakatou‘osi; ko e hele mo e helepuna ki he nofo Selusalema.#1 Pit 2.8 15Pea ‘e humu hanau tokolahi, ‘o tō, pea te nau lailai, pea ‘e touia kinautolu ‘o ma‘u.
Ko e Fakatokanga ‘i he Kumi Fale‘i mei he Kakai Maté
16Nono‘o mu‘a ‘a e tākitala, sila‘i ‘a e akonaki ‘i he‘eku kau ako. 17Ka u tatali ‘e au kia Sihova, ‘a ia ‘oku ne fufū hono fofonga mei he fale ‘o Sēkope, ‘o u fakatu‘a kiate ia.#Hep 2.13
18Vakai, ko au eni mo e fānau kuo foaki mai ‘e Sihova mo‘o faka‘ilonga pea mo‘o taipe ‘i he lotolotonga ‘o ‘Isileli–meia Sihova Sāpaoti ‘oku ‘afio ‘i Mo‘unga Saione.#Hep 2.13
19Pea kapau te nau pehē kiate kimoutolu, Mou huhū ki he kau fakahā‘ele fa‘ahikehe mo e kau tuki fakatēvolo, ‘a kinautolu ‘oku fakalea hake mei he kelekele, mo fanafana fakalilolilo mai–‘Ā, ‘ikai na‘e mei huhū ha kakai ki honau ‘Otua? Ko e pehē koā ke huhū ki ha kau mate koe‘uhi ko ha kau mo‘ui!
20“Fai ki ha lao mo e fakamo‘oni.” Kapau ‘oku ‘ikai te nau lea hangē ko e me‘a ko ē, tā ko e fa‘ahinga ia ‘e ‘ikai ha‘anau pongipongi hake.#8.20 ‘Oku ‘ikai ke mahino ‘a e faka-Hepelū ‘o e vēsí ni. 21Pea te ne ‘alu holo ‘i he fonua kuo mafasia, mo fiekaia;
Pea ‘i he ‘iloange ‘oku ‘alefa,
‘Oku ne tekelili,
Pea te ne kape ‘i he huafa ‘o e tu‘i pea mo hono ‘Otua,
‘O ne hanga ki ‘olunga. 22Pea ‘oku ne fakasio ki he fonua;
Pea tā ko e faingata‘a pē mo e fakapo‘uli:
Kuo pūlou ia ‘e he mamahi;
Kuo kapusi ki he po‘uli ‘o e po‘uli.
Currently Selected:
KO ‘AISEA 8: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
