Popular Bible Verses from KO ‘AISEA 9

Share

He kuo ‘alo‘i mai ha Tama, Kuo tuku mai ha Foha: Pea ‘e ‘i hono uma ‘a e pule‘anga. Pea ko e huafa ‘e ui‘aki Ko Fakaofo - ‘ene-fale‘i, ko e Helo-‘Otua, Ko e Tamai Ta‘engata, ko e ‘Eiki ‘o e Melino.

Ko e kakai na‘e nofo he po‘uli ‘Oku nau mamata ki ha maama lahi; Ko e nofo ‘i he fonua ‘o e ‘ata ‘o mate, ‘Oku ulo ha maama kiate kinautolu.

‘E ‘ikai fakangatangata ‘a e tupu ‘o ‘ene pule mo e melino, ‘Ene ‘afio ‘i he taloni ‘o Tēvita, Mo ‘ene pule ki hono pule‘anga, Ke fokotu‘u ia, pea ke pou ‘aki ‘a e fakakonisitūtone mo e faitotonu, Mei he taimi ni ‘o fai atu ki he ta‘engata. Ko e fua‘a ‘a Sihova Sāpaoti te ne fai ‘a e me‘a ko ia.

Seuke, ‘ilonga ha fakamālohi, Kuo fakamālohia ia ‘i he fepaki, Pea ‘ilonga ha pulupulu, Kuo unufō ‘i he toto; Pea kuo tuku kotoa ko e me‘a ke tutu, Ko e me‘akai ‘a e afi.

HE ‘oku ‘ikai ha pūlou ki he fonua ‘oku ‘i ai ‘a e mamahi. Ko e taimi mu‘a na‘a ne fakame‘avale‘i. ‘a e fonua ‘o Sepulone mo e fonua ‘o Nafitalai; Ka ‘i he taimi kimui ‘oku ne fakalāngilangi‘i ‘a e hala tahi ‘a Tu‘a-Soatani, ‘a Kāleli ‘o e Senitaile.

‘Oku ke fakatokolahi ‘a e pule‘anga, ‘Oku ke fakalahi ‘enau fiefia: ‘Oku nau fiefia ‘i ho ‘ao ‘o hangē ko e fiefia ‘i he ututa‘u, Hangē ko e tome‘e ‘i he tufa vete.

He ko e ‘ioke ‘oku ne kavenga‘ia ai, Mo e ‘akau ha‘amo ‘oku kiate ia, ‘A e sēpita ‘o ia ‘oku ne fakaehaua ia, Kuo ke laiki ia ke lailai ‘o hangē ko e ‘aho ‘o Mitiani.