Kalētiá 6
6
Mou Fetokoni‘aki
1KĀINGA, neongo pē ‘e puke nima ha taha lolotonga ‘ene fai ha kovi; ka ko kimoutolu, ‘a e kau fakalaumālie, mou faito‘o ki ha taha pehē ‘o anga fakaalaala; pea ke vakai kiate koe na‘a ‘iloange ‘e ‘ahi‘ahi‘i mo koe foki. 2Mou fetoutou fefua‘aki homou ngaahi mafasia‘anga: pea ‘i ho‘omou fai pehē, kuo mou#6.2 kuo mou; ‘Oku pehē ‘i hono ngaahi hiki fuoloa ‘e ni‘ihi: te mou. ‘osiki ‘aupito ‘a e lao ‘a Kalaisi. 3Seuke, kapau ‘oku ‘afungi ‘e ha taha ko ha me‘a ia; ‘osi, ‘oku ‘ikai ko ha momo‘i me‘a ia, ‘oku fakahala‘i ia ‘e hono loto. 4Ka ke takitaha sivi ‘ene ngāue ‘a‘ana; pea te ne toki fakafuofua ‘aki ia pē hono pōlepole‘anga, ‘o ‘ikai ‘aki ha taha kehe: 5koe‘uhi kuo pau ke takitaha fua ‘ene kavenga ‘a‘ana.
6Pea ko eni, ko ia ‘oku akonekina ‘i he Folofola, ke ne tuku kiate ia ‘oku faiako ke ‘inasi ‘i he‘ene koloa kotoa.
7‘Oua na‘a tuku ke fakahala‘i kimoutolu: tala‘ehai ‘oku ala pā‘usi‘i ‘a e ‘Otua; he ‘ilonga pē e me‘a ‘oku tō ‘e ha tangata, ko ia ia te ne utu foki. 8He ko ia ‘oku ne tō ‘i hono kakano, te ne utu mei he kakano ‘a e ‘auha: ka ko ia ‘oku ne tō ‘i he laumālie, te ne utu mei he laumālie ‘a e mo‘ui ta‘engata. 9Ka ‘oua na‘a ta fiu ‘i he failelei, he te ta utu ‘i hono fa‘ahita‘u, ‘o kapau ‘e ‘ikai te ta vaivai. 10Pea kapau ko ia, pea lolotonga ‘oku ta faingamālie, ta ngāue ‘aonga ki he kakai kotoa pē: kae lahi pē kiate kinautolu ‘oku ‘i he fāmili ‘o e lotu.
Ko e Fakatokanga Faka‘osi mo e Pōpoaki ‘Ofa
11Vakai ‘ete tohi mata lalahi ma‘amoutolu ‘aki hoku nima ‘o‘oku. 12‘Ilonga ‘a kinautolu ‘oku tangi ke hā matamatalelei ‘i tu‘a sino, ko kinautolu ia ‘oku kouna kimoutolu ke mou kamu: ka ko hono ‘uhinga pē, ke ‘oua na‘a fakatanga‘i kinautolu, koe‘uhi ko e Kolosi ‘o Kalaisi. 13He na‘a mo e fa‘ahinga kamu na, tala‘ehai ‘oku nau tauhi ‘a e Lao ‘e kinautolu: ka ‘oku nau tangi ke mou kamu, koe‘uhi ke nau tu‘unga ‘i homou kakano ha‘anau pōlepole. 14Ka ko au, molekemama‘o ha‘aku pōlepole, ka ‘i he Kolosi ‘o hotau ‘Eiki ko Sīsū Kalaisi, ‘a ia kuo kalusefai ai ‘a māmani kiate au, mo au ki māmani. 15He tala‘ehai ko ha me‘a ‘a e kamu, pe ko ha me‘a ‘a e ta‘ekamu, ka ko e fakatupufo‘ou pē. 16Pea ‘ilonga kinautolu te nau fai ‘enau laka ki he fua ko eni, ‘ofa ke hifo kiate kinautolu ‘a e fiemālie mo e meesi, pea pehē foki ki he ha‘a ‘Isileli faka-‘Otua!
17Hili ‘eni, ke ‘oua na‘a fakangangau‘i au ‘e ha taha: he ko au ‘oku te ‘alu mo kita ‘a e ngaahi faka‘ilonga ‘o Sīsū, kuo tā ‘i hoku sino.
18Ko e kelesi ‘a hotau ‘Eiki ko Sīsū Kalaisi, ‘ofa, kāinga, ke ‘i homou laumālie ia! ‘Ēmeni.
Currently Selected:
Kalētiá 6: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
