‘Efesō Ko e Talateu
Ko e Talateu
Ko e tefito‘i kaveinga ‘o e Tohi ‘a Paula Ki he Kakai ‘Efesoó ko e fokotu‘utu‘u ‘a e ‘Otuá “ke fālute ‘a e me‘a kotoa pē ‘ia Kalaisi, ‘a e ngaahi me‘a ‘oku ‘i langí, mo e ngaahi me‘a ‘oku ‘i māmaní; ‘o, ‘i He‘ene ‘Afió” (1.10). Ko e toe fakakouna ai pē foki ‘eni ki he kakai ‘a e ‘Otuá ke nau mo‘ui ‘aki ‘a e kaveinga mamafa ko ‘eni: ke taha ‘a e fa‘ahinga ‘o e tangatá ‘ia Sīsū Kalasi.
‘I he konga ‘uluaki ‘o e tohi ‘Efesoó ‘oku kamata ‘e he fa‘u tohí ‘ene fakamatala‘i ‘ene kaveinga ko eni ‘o e “tahá” ‘aki ‘ene lau ki he anga hono fili ‘e he ‘Otua ko e Tamaí ‘a hono kakaí, mo e anga hono fakamolemole‘i kinautolu mo vete ange kinautolu mei he‘enau angahalá ‘ia Sīsū Kalaisi ko hono ‘Aló, pea mo e anga hono fakapapau‘i mai ‘e he Laumālie Mā‘oni‘oní ‘a e tala‘ofa kāfakafa ‘a e ‘Otuá. Ko e konga hono ua ‘o e tohí ko e kole ‘a e tokotaha fa‘u tohí ki he kakai na‘e fai ki ai ‘ene tohí ke nau fai ‘a e fa‘ahinga tō‘onga mo‘ui ‘e mo‘oni ai ‘enau taha ‘ia Kalaisí ‘i he anga ‘o ‘enau nofó.
‘Oku ngāue‘aki ‘a e lea fakatātā ‘e ni‘ihi ko hono fakamahino‘i ‘a e taha ‘a e kakai ‘a e ‘Otuá ‘ia Kalaisí: ko e siasí ‘oku hangē ko ha sinó, ko hono ‘ulú ‘a Kalaisi; pea ‘oku hangē ha falé, ko Kalaisi ‘a hono maka tulikí; pea hangē ha uaifí, ko Kalaisi ‘a e husepānití. Ko e ngaahi lea mālie mo fakapunake ‘aupito ‘oku fa‘u ‘aki ‘a e Tohi ‘Efesoó ‘i he mātu‘aki ongo ki he fa‘u tohí ‘a e ‘ofa tu‘unga‘a ‘oku fai mai ‘e he ‘Otuá ‘ia Kalaisí. ‘Oku hulungia ‘ene kupu‘i lea kotoa pē mei he ‘ofa, mo e li‘aki mo‘ui, mo e fakamolemole, mo e kelesi, mo e mā‘oni‘oni ‘a Kalaisí.
Ko e Kakano ‘o e Tohí
Ko e talateu (1.1-2)
Ko Kalaisi mo e Siasí (1.3–3.21)
Ko e mo‘ui fo‘ou ‘ia Kalaisi (4.1–6.20)
Ko e tātuku (6.21-24)
Currently Selected:
‘Efesō Ko e Talateu: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.