KO ‘ISIKELI 1
1
Ko e ‘Uluaki Vīsone ‘a ‘Isikeli ki he ‘Otuá
Ko e Taloni ‘o e ‘Otuá
(1.1–7.27)
1PEA ‘i hono tolungofulu ‘o e ta‘u,#1.1 ‘i hono… ta‘u; ‘Oku ‘ikai ke mahino pe ko e lau eni ki he ta‘u fē. ‘i hono fā ‘o e māhina, mo hono nima ‘o e ‘aho, ‘oku ou nofo ‘i he lotolotonga ‘o e fakahē, ‘i he ve‘e vaitafe ko Kipa, fokifā na‘e fakaava ‘a e ngaahi langi, pea na‘a ku mata vīsone faka‘otua.#Fkhā 19.11 ( 2‘I hono ‘aho nima ‘o e māhina, ko hono ta‘u nima ia ‘o e nofo pōpula ‘a Kingi Sihoiakini.#2 Tu‘i 24.10-16; 2 Kal 36.9-10 3Na‘e mātu‘aki hoko ‘a e folofola ‘a Sihova kia ‘Isikeli foha ‘o Pusi, ko e taula‘eiki, ‘i he fonua ‘o e kau Kalitia, ‘i he ve‘e vaitafe ko Kipa; ‘io, ‘i he potu ko ia na‘e ‘iate ia ‘a e nima ‘o Sihova.)
4Pea u fakasio, pea tā ko e ‘ahiohio ‘ena ‘oku ha‘u mei he potu tokelau, ko e fu‘u ‘ao, mo e afi ‘oku fetakai‘aki;#1.4 pe takainga afi. pea na‘e ‘ai ha maama ki ai takatakai, pea ko e uho‘i afi na‘e hangē ko e hā ‘a e ukamea ‘afu vela ‘i he loto afi. 5Pea ‘i he loto me‘a na‘e ‘ilonga mai ha Faa‘i Me‘a Mo‘ui. Pea ko ‘enau hā mai na‘e peheni; ko ‘enau fotu mai na‘e ngali ko e tangata.#Fkhā 4.6 6Pea na‘e taki fā honau fofonga, pea na‘e taki fā honau kapakau. Pea ko honau va‘e ko e va‘e tu‘u ‘ete; 7pea ko honau ‘ulu‘uluva‘e na‘e hangē ko e ‘ulu‘ulu-va‘e ‘o e kafi: pea na‘e fetapatapaki hangē ko e palasa ‘afu hina. 8Pea ko e nima ‘o e tangata na‘e hā mei he lalo kapakau ‘i honau fa‘ahi ‘e fā takitaha: pea na‘e ma‘u ‘a e fā takitaha ‘a e ngaahi fofonga mo e ngaahi kapakau. 9Na‘e felave ‘a e kapakau ‘o e taha mo e kapakau ‘o e taha: na‘e ‘ikai te nau tafoki ‘i he‘enau ‘alu; na‘a nau hanga ‘alu ‘aki honau fofonga ‘e taha.
10Pea ko e tatau ‘o honau mata ko e mata ‘o e tangata; pea mei to‘omata‘u na‘e ma‘u ‘e he Toko Fā ‘a e mata ‘o e laione; pea ma‘u ‘e he Toko Fā ‘i to‘ohema ‘a e mata ‘o e pulu; pea ma‘u ‘e he Toko Fā ‘a e mata ‘o e ‘īkale.#‘Isi 10.14; Fkhā 4.7 11Pea ko honau ngaahi mata mo honau ngaahi kapakau#1.11 ko… kapakau; Ko hono faka-Hepeluú ia, ka ‘oku pehē ‘i he ngaahi hiki fuoloa ‘e ni‘ihi: ongo kapakau. na‘e māvahevahe mei ‘olunga; na‘a nau takitaha ha kapakau ‘e ua na‘e felave, pea takitaha ha kapakau ‘e ua na‘e fufū ‘aki honau sino. 12Pea na‘a nau hanga ‘alu ‘aki honau fofonga ‘e taha: ha potu na‘e pehē ke ‘alu ki ai ‘a e laumālie, na‘a nau ‘alu ki ai; na‘e ‘ikai te nau tafoki ‘i he‘enau ‘alu.
13Pea na‘e lotolotoi ‘i he#1.13 Pea… ‘i he; Ko hono faka-Hepeluú ia, ka ‘oku pehē ‘i hono ngaahi hiki fuoloa ‘e ni‘ihi: Pea ko e fōtunga ‘o e. Faa‘i Me‘a Mo‘ui ha me‘a hangē ko e ngaahi malala‘i afi ‘oku ulo, tatau moni tūhulu: na‘e felēleaki ‘a e Me‘a, ‘o huluni ‘i he Faa‘i Me‘a Mo‘ui; pea na‘e ulo ‘a e afi, pea na‘e tapa mei he afi ‘ani ‘uhila. 14Pea ko e ngaahi Me‘a Mo‘ui ko ‘enau lele atu mo foki na‘e hangē ko e tapa ‘a e ‘uhila.
15Pea u vakaia ‘a e ngaahi Me‘a Mo‘ui, pea tā ko e fakasāliote ‘ena ‘i he kelekele, fe‘unga mo e Me‘a Mo‘ui takitaha, ‘o hanga ki hono fa‘ahi ‘e fā.#1.15 ‘o… fā; Ko hono faka-Hepeluú ia, ka ‘oku pehē ‘i hono ngaahi hiki fuoloa ‘e ni‘ihi: ‘i honau tafa‘aki mata takitaha. #‘Isi 10.9-13 16Ko e hā ‘a e ngaahi fakasāliote mo hono ngaohi na‘e tatau mo e kalisolaite: pea na‘e sīpinga tatau ‘a e faa‘i me‘a; pea ko ‘enau hā mo honau ngaohi na‘e hangē ‘oku fehauaki ha fakasāliote ‘e ua. 17‘I he‘enau ‘alu na‘a nau ‘alu ‘aki honau feitu‘u ‘e fā: na‘e ‘ikai te nau mamio ‘i he‘enau ‘alu. 18Pea ko e me‘a ki honau aoniu, na‘e mā‘olunga mo fakailifia; he ko honau tu‘a takainga na‘e tofu he kano‘imata takatakai ‘i honau feitu‘u ‘e fā.#1.18 ‘Oku ‘ikai ke mahino ‘a hono faka-Hepelū ‘o e vēsí ni. #Fkhā 4.8 19Pea ‘i he ‘alu ‘a e ngaahi Me‘a Mo‘ui, na‘e ‘alu ai ‘a e ngaahi fakasāliote fakataha mo kinautolu; pea ‘i he mahiki ‘a e ngaahi Me‘a Mo‘ui mei he kelekele, na‘e mahiki mo e ngaahi fakasāliote. 20‘Ilonga ha potu na‘e pehē ke ‘alu ki ai ‘a e laumālie, na‘a nau ‘alu ki he potu ko ia ‘oku me‘a ‘a e laumālie ke ‘alu ki ai: pea na‘e mahiki ‘a e ngaahi fakasāliote fakataha mo kinautolu; he ko e laumālie ‘o e Me‘a Mo‘ui na‘e ‘i he ngaahi fakasāliote. 21Pea ka ‘alu ē, pea ‘alu ‘a ē; pea ka tu‘u ē, pea tu‘u mo ē; pea ka mahiki ē mei he kelekele, na‘e mahiki ‘a ē, ‘a e ngaahi fakasāliote ke ō mo kinautolu: he ko e laumālie ‘o e Me‘a Mo‘ui na‘e ‘i he ngaahi fakasāliote.
22Pea na‘e hā ha me‘a mei ‘olunga ‘i he ngaahi ‘ulu ‘o e Me‘a Mo‘ui, ko ha ‘atānoa na‘e matamata tatau mo e kilisitala fakapopongi mata; na‘e mafola atu ia ‘i ‘olunga ‘i honau ‘ulu.#Fkhā 4.6 23Pea ‘i he lalo ‘atānoa ko honau kapakau ē ‘oku fakatotonu atu ‘a e taha ki he taha ke felave: na‘a nau taki ua ‘a e kapakau na‘e ‘ufi‘ufi ‘aki honau sino ki hē mo ē. 24Pea na‘e ongo mai ‘a e longoa‘a ‘o honau kapakau ‘i he‘enau ‘alu, na‘e hangē ko e ‘u‘ulu ‘o e ngaahi vai lahi, hangē ko e le‘o ‘o Sātai, ko e ngahaha ‘o ha fu‘u taufa, hangē ko e mumuhu ‘o ha ‘apitanga tau; ka nau ka tu‘u, na‘a nau tuku hifo honau kapakau.#Fkhā 1.15; 19.6 25Pea na‘e ongo mai ha le‘o mei he funga ‘atānoa, ‘a ia na‘e ‘i ‘olunga ‘i honau ‘ulu: ‘i he‘enau tu‘u na‘a nau tuku hifo honau kapakau.
26Pea mei he funga ‘atānoa ‘a ia na‘e ‘i ‘olunga ‘i honau ‘ulu, hangē ko e hā ‘a e maka sāfaia, na‘e hā ‘a e tatau ‘o ha taloni; pea ‘i he funga ‘o e tatau ‘o ha taloni na‘e hā ha me‘a hangē ko e fōtunga ‘o ha tangata ‘oku heka ai mei ‘olunga.#‘Isi 10.1; Fkhā 4.2-3 27Pea u vakai ‘oku hangē ko ha ukamea ‘afu vela, tatau mo e hā mai ‘a e afi ‘i he loto me‘a takatakai; lau mei he matamata ko hono kongaloto ‘o fai hake, pea mei he matamata ko hono kongaloto ‘o fai hifo, ko e me‘a na‘a ku sio ki ai na‘e hangē ko e hā ‘a e afi, pea na‘e ai ha ulo takatakai ki ai.#‘Isi 8.2 28Hangē ko e hā ‘a e ‘umata ‘a ia ‘oku ‘i he ‘ao ‘i ha ‘aho ‘uha, na‘e pehē ‘a e hā ‘a e ulo na‘e takatakai ki ai. Ko e anga ia ‘o e ma‘ali ‘a e Sikaina ‘o Sihova.
Ko Hono Ui ‘e he ‘Otuá ‘a ‘Isikeli ke ne Hoko ko e Palōfita
Pea ‘i he‘eku sio ki ai, ne u tō fo‘ohifo, pea u ongo‘i ‘a e le‘o ‘o ha taha ‘oku lea mai.
Currently Selected:
KO ‘ISIKELI 1: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
