KO ‘ISIKELI 2
2
1PEA ne folofola mai kiate au, 2Hako‘i-tangata,#2.2 Hako‘i-tangata; pe Fanautama ‘a Tangata. tu‘u ‘aki ho va‘e, ka u lea kiate koe. Pea hū kiate au ‘a e laumālie ‘i he‘ene folofola mai, ‘o ne fokotu‘u au ‘aki hoku va‘e; pea u ongo‘i ‘ene folofola kiate au. 3Pea ne folofola mai, Hako‘i-tangata, ko ‘eku fekau atu koe ki ha‘a ‘Isileli, ki he ngaahi pule‘anga angatu‘u, ‘a ia kuo nau angatu‘u kiate au: ko kinautolu mo ‘enau ngaahi kui kuo nau talangata‘a kiate au, ‘o a‘u ki he fo‘i ‘aho ko eni. 4‘Io, ‘oku mataila ‘a e fānau mo loto fefeka ‘oku ou fekau atu koe ki ai; pea te ke lea kiate kinautolu, ‘o pehē, Ko e folofola eni ‘a ‘Ātonai Sihova. 5Pea ko kinautolu–ko ia ai pē te nau fie fanongo, pe te nau kalofi, he ko e fāmili pau‘u kinautolu–ka te nau ‘ilo na‘e ai ha palōfita na‘e hoko kiate kinautolu.
6Pea ko koe, Hako‘i-tangata, ‘oua te ke manavahē kiate kinautolu, pea ‘oua te ke manavahē ki he‘enau lea, neongo ho‘o huluni ‘i he talatala‘āmoa mo e ‘akau veli, pea ke nofo ki he fanga sikapio: ‘oua te ke manavahē ki he‘enau ngaahi lea, pea ‘oua te ke teki ‘i honau mata, he ko e fāmili pau‘u kinautolu. 7Pea te ke fakahā ‘eku ngaahi lea kiate kinautolu–ko ia ai pē pe te nau fie fanongo, pe te nau kalofi: he ko e fa‘ahinga pau‘u ena.
8Pea ko koe, Hako‘i-tangata, fanongo ki he me‘a ‘oku ou lea‘aki kiate koe: ‘oua te ke pau‘u koe hangē ko e fāmili pau‘u na: mafa‘a ho ngutu, ‘o kai ‘a e me‘a ‘oku ou ‘atu ni. 9Pea u vakai, pea tā ko e nima ‘oku mafao mai kiate au: Pea tā ‘oku ‘i ai ha takainga tohi.#Fkhā 5.1 10Pea ne folahi ia ‘i hoku ‘ao, pea kuo tohi ia ‘i ‘ao mo tu‘a: pea kuo tohi ai ‘ani tangilāulau, mo e māpuhoi, mo e ‘oiauē. 11Pea ne folofola mai kiate au, Hako‘i-tangata, ko e me‘a kuo ke ‘ilo ki ai, kai ia: kai ‘a e takainga tohi ni, pea ke toki ‘alu, ‘o lea ki he fale ‘o ‘Isileli.
12Pea u fakamanga hoku ngutu, pea ne fafanga ‘aki au ‘a e tohi ko ia. 13Pea ne folofola kiate au, Hako‘i-tangata, fafanga ho kete, mo fakafonu ho to‘oto‘onga ‘i he takainga ni ‘a ia ‘oku ou ‘atu. Pea u kai ia, pea ko ‘ene hoko ki hoku ngutu na‘e tatau mo e honi melie.
Currently Selected:
KO ‘ISIKELI 2: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
