Kolinitō 1 13
13
Ko e ‘Ofá
1‘IO; ka u fakahā atu foki ha hala ‘oku fungani hake. Neongo te u lava ke lea‘aki ‘a e ngaahi lea ‘a e kakai, ‘io, mo e ngaahi lea ‘a e kau ‘āngelo, ka ‘oku ‘ikai ‘iate au ‘a e ‘ofa, ko e me‘a pē kuo u hoko ki ai, ko ha ukamea ongo au, pe ko ha simipale tatangi. 2Pea neongo te u lava ‘a e malanga palofisai; neongo te u a‘usia ‘a e ngaahi misiteli kotoa pē, mo e fa‘ahinga ‘ilo loloto kotoa pē; ‘io, pea neongo te u ‘osiki ‘a e tui, ‘o u lava ai ke hiki mo‘unga, ka ‘oku ‘ikai ‘iate au ‘a e ‘ofa, ko e me‘a noa pē au.#Māt 17.20; 21.21; Ma‘ake 11.23 3Pea neongo te u tufotufa ‘eku koloa kotoa; pea neongo te u li‘aki hoku sino ke lava ‘eku pōlepole;#13.3 ke… pōlepole; ‘Oku pehē ‘i hono ngaahi hiki fuoloa ‘e ni‘ihi: ke tutu. ka ‘oku ‘ikai ‘iate au ‘a e ‘ofa, ‘oku ‘ikai hano ‘aonga kiate au.
4Ko ‘Ofa ‘oku ne anga mokomoko, mo angalelei. Ko ‘Ofa ‘oku ‘ikai, te ne meheka, ‘oku ‘ikai te ne fai pē ke ongoongoa, ‘oku ‘ikai te ne fakafuofuolahi, 5‘oku ‘ikai te ne fai ta‘etaau, ‘oku ‘ikai te ne kumi ‘ene lelei ‘a‘ana, ‘oku ‘ikai te ne faka‘ita, ‘oku ‘ikai te ne lau ‘a e kovi, 6‘oku ‘ikai te ne fiefia ‘i he ta‘etotonu, ka ‘oku ne kaungā fiefia mo e Mo‘oni. 7‘Oku ne ‘ūkuma ‘i he me‘a kotoa pē, ‘oku ne tui ‘i he me‘a kotoa pē, ‘oku ne ‘amanaki ‘i he me‘a kotoa pē, ‘oku ne kātaki ‘i he me‘a kotoa pē.
8Ko ‘Ofa ‘oku ‘ikai ke ka‘anga ia ‘i ha taimi. Ka neongo ko e malanga palofisai, ka ‘e hoko ‘o ta‘e‘aonga; neongo ko e fai‘aki ‘a e ngaahi lea, ka ‘e faifai ‘o tuku ia; neongo ko e ‘ilo loloto, ka ‘e hoko ‘o ta‘e‘aonga. 9He ‘oku fakakonga ‘etau ‘ilo, pea fakakonga ‘etau palofisai: 10ka ‘oka hoko mai ‘a e haohaoa, ‘e toki ta‘e‘aonga ai ‘a e fakakonga.
11Lolotonga na‘a ku tamasi‘i na‘a ku lea fakatamasi‘i, na‘a ku feinga fakatamasi‘i, na‘a ku fakakaukau fakatamasi‘i: kae tālunga ‘eku hoko ko e tangata, kuo u tuku ‘a e tō‘onga fakatamasi‘i. 12He ko ‘etau sio ‘i he taimi ni, ko e ma‘ali ha misiteli ‘i ha sio‘ata; ka ko e taimi ko ē, ko ‘etau sio ko e femātaaki. Ko e taimi ni ‘oku ou ‘ilo fakakonga pē, ka ‘i he taimi ko ē te u ‘ilo faka‘āufuli, ‘o hangē foki ne ‘ilo faka‘āufuli au.
13‘Āua! ka ‘oku tolonga pē ‘a Tui, ‘a ‘Amanaki, ‘a ‘Ofa; ‘a e tolu ni pē: pea ko honau tu‘ukimu‘a ko ‘OFA.
Currently Selected:
Kolinitō 1 13: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
