Popular Bible Verses from Kolinitō 1 13

Share

Ko ‘Ofa ‘oku ne anga mokomoko, mo angalelei. Ko ‘Ofa ‘oku ‘ikai, te ne meheka, ‘oku ‘ikai te ne fai pē ke ongoongoa, ‘oku ‘ikai te ne fakafuofuolahi, ‘oku ‘ikai te ne fai ta‘etaau, ‘oku ‘ikai te ne kumi ‘ene lelei ‘a‘ana, ‘oku ‘ikai te ne faka‘ita, ‘oku ‘ikai te ne lau ‘a e kovi

‘Oku ne ‘ūkuma ‘i he me‘a kotoa pē, ‘oku ne tui ‘i he me‘a kotoa pē, ‘oku ne ‘amanaki ‘i he me‘a kotoa pē, ‘oku ne kātaki ‘i he me‘a kotoa pē.

‘oku ‘ikai te ne fiefia ‘i he ta‘etotonu, ka ‘oku ne kaungā fiefia mo e Mo‘oni.

‘Āua! ka ‘oku tolonga pē ‘a Tui, ‘a ‘Amanaki, ‘a ‘Ofa; ‘a e tolu ni pē: pea ko honau tu‘ukimu‘a ko ‘OFA.

Ko ‘Ofa ‘oku ‘ikai ke ka‘anga ia ‘i ha taimi. Ka neongo ko e malanga palofisai, ka ‘e hoko ‘o ta‘e‘aonga; neongo ko e fai‘aki ‘a e ngaahi lea, ka ‘e faifai ‘o tuku ia; neongo ko e ‘ilo loloto, ka ‘e hoko ‘o ta‘e‘aonga.

‘IO; ka u fakahā atu foki ha hala ‘oku fungani hake. Neongo te u lava ke lea‘aki ‘a e ngaahi lea ‘a e kakai, ‘io, mo e ngaahi lea ‘a e kau ‘āngelo, ka ‘oku ‘ikai ‘iate au ‘a e ‘ofa, ko e me‘a pē kuo u hoko ki ai, ko ha ukamea ongo au, pe ko ha simipale tatangi.

Pea neongo te u lava ‘a e malanga palofisai; neongo te u a‘usia ‘a e ngaahi misiteli kotoa pē, mo e fa‘ahinga ‘ilo loloto kotoa pē; ‘io, pea neongo te u ‘osiki ‘a e tui, ‘o u lava ai ke hiki mo‘unga, ka ‘oku ‘ikai ‘iate au ‘a e ‘ofa, ko e me‘a noa pē au.

Pea neongo te u tufotufa ‘eku koloa kotoa; pea neongo te u li‘aki hoku sino ke lava ‘eku pōlepole; ka ‘oku ‘ikai ‘iate au ‘a e ‘ofa, ‘oku ‘ikai hano ‘aonga kiate au.

Lolotonga na‘a ku tamasi‘i na‘a ku lea fakatamasi‘i, na‘a ku feinga fakatamasi‘i, na‘a ku fakakaukau fakatamasi‘i: kae tālunga ‘eku hoko ko e tangata, kuo u tuku ‘a e tō‘onga fakatamasi‘i.