MIKA 4
4
Mi tin tâna Lalpa rorêlna
(Isa. 2:1-4)
1Ni hnuhnûnghahte chuan Lalpa awmna tlâng chu
Tlâng ropui ber a la ni ang a,
Tlâng zawng zawng a khûm vek ang.
Tah chuan mi tinrêng an lo kal duah duah ang.
2Hnam tam tak an lo kal ang a, heti hian an ti ang:
‘Hawh u, Lalpa tlângah i chho vang u,
Jakoba Pathian in awmnaah chuan,
A kawng min lo kawhhmuh ang a,
A kawngah chuan kan kal ang,’
Zion aṭangin dân chu a lo chhuak ang a,
Jerusalem aṭang hian Lalpa chuan thu a sawi ṭhîn a ni.
3Mi tin inkâr thu a rêl ang a,
Hla taka hnam chak takte thu pawh a remsak ang.
An khandaihte lei leh nân an chher ang a,
An feite chu thei ṭang tanna kawmah an siam bawk ang.
Hnam dang chungah hnam dangin hriam an lek tawh lo vang a,
Indo dân pawh an zir tawh hauh lo vang. #Joel. 3:10.
4Mi tin mahni grep leh theipui hlimah an ṭhu ang a,
Tu mah an hlau lo vang,
Engkim Lalpa chuan a ti.#Zak. 3:10.
5Hnam tinin mahni pathian ṭheuh an bia ang a,
A thu an zâwm ang,
Keini pawhin kan Pathian
Lalpa chu kan bia ang a,
A thu kan zâwm kumkhua tawh ang.
Israel saltâng an kîr leh ang
6“Chumi ni chuan kebaite ka khâwm ang a,
Saltângte leh ka hrem tuarte chu ka hruai khâwm ang,”
Tih hi Lalpa thuchhuak a ni.
7Kebaite chu hnam tundinna bul#4:7 Thing kih bul chawr leh thing lian tak a ni thei ang hian Pathian hremna tuar, saltângte leh thi bângte chu chhumchhe tê tê ni mah se hnam din lehna tûr, a chi-chhuah ang an ni ang. atân ka hmang ang a,
Hnawh darhte chu hnam chak takah ka siam ang.
Lalpa chuan Zion tlângah chatuanin ro a rêlsak tawh ang.
8Aw nang, ran rual vênna in sâng,
Zion fanute chênna tlâng,
Tûn hmaa in ram chu in nei leh dâwn a,
Jerusalem mite chu an ram pêk an ni leh dâwn.
9Engtizia nge i ṭah vak vak le?
Lal i nei na nge?
Remruatsaktu che chu a awm ta na nge?
Hmeichhe nau vei angin natnain a man tâk che hi.
10Aw Zion fanu, hmeichhe nau vei angin tâl la, rûm rawh,
Ramhnuaia awm tûrin khawpui chhuahsan rawh,
Babulon-ah kal la, tah chuan i him ang.
Chuta ṭang chuan Lalpa chuan i hmêlmate kut ata a tlan chhuak ang che.
11Hnam tam tak an pung khâwm ang a, an do rawn ang a,
‘Zion chu tibawrhbâng ila, i thlîr zui#4:11 A chhia chu a hmuhnawm dawn êm, thlîr zui tûr a ni. teh ang u,’ an ti.
12Mahse, Lalpa rilru an hmu lo va,
A remruat an hrethiam hek lo,
Ani chuan hruiha chîl tûr buhphal angin
Anni chu a seng khâwm ta si a.
13Aw Zion fanu, tho la, anni chu rap hrep rawh,
Thîr ki ka pe ang chia, dâr tinkâwm ka pe bawk ang che,
Chu chuan mi tam tak i tisawm vek dâwn nia.
Mi thil an lâksakte chu Lalpa hnênah rawn hlân ula,
An sum leh pai te pawh lei pum pui neitu Lalpa hnênah hlân ang che u.
Currently Selected:
MIKA 4: MIZCLBSI
Highlight
Copy
Compare
Share
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
