MIKA 5
5
Pathianin Bethlehem khuaa mi rorêltu pêk a tiam
1Khawpui kulh chhûnga mite u, in sipaite kha khâwm rawh u,
Min hual tâk hi,
Israel hruaitu pawh a bekah tiangin an vuak dâwn hi.
2Nang Bethlehem, Efrata, Judai khawpui#5:2 ‘Heb. sâng zîngah.’ Exod. 18:2-ah sâng pâwl tân rorêltu pakhat siam tûr a ni. Khatiang pâwl kha khaw khatah an intêl khâwm a, chûng khua chu ‘khawpui’ vuah tham an ni. Hemi intêl khâwm hi hnam khat an ni deuh zêl, ‘hnam’ tia lehlin theih a ni rêng e. LXX lamah ‘Efrata chhûngkua’ tih a ni, Efrata chu Juda hnam zînga chi khat niin an sawi; he lai ram hian he hming hi bial hmingah a pu a, Bethlehem pawh a awm. Lal lo piang tûr chu Davida thlah a ni dâwn tih a sawi uar a ni. zîngah tê hle mah la,
I chhûng aṭangin Israel rorêltu ka tân a lo chhuak dâwn si a,
Ani chu hmasâng ata thlahtu bul aṭanga lo chhuak a ni.
3Nau veiin a hrin hma chu Lalpan a mite chu a hawisan ang,
Tichuan, a unau la dam zawngte chu an lo kîr ang a,
Israel zîngah an tel ang.
4Pathian Lalpa hming ropui tak leh Lalpa chakna chuan a mite chu
A vêng ang a, a châwm ang,
Lei pum puiah a ropui dâwn êm a,
A mite chu thlamuang takin an awm ang.
Chhanchhuahna leh hremna
5Hetiang hian remna a awm dâwn a ni:
‘Asuria-in kan ram an rawn rûn a,
Kan kulhah te an lo luh pawhin vêngtu leh hruaitu tam tâwk nên ka lo do lêt ang.
6Asuria ram chu khandaihin an hneh ang a,
Nimroda ram chuan khandaih hriam an tuar ang.
Asuria-in kan ram an rûn a, ramri an lo thlen chuan,
Ani chuan min chhanhim ang.
7Jakoba thlah la awm chhunte chu hnam tam tak tân Lalpa hnên aṭanga daifîm tla,
Thlai châwmtu ruah ang an ni ang.
Mihringah an innghat tawh lo vang a,
Tu mah an rinchhan tawh lo vang.
8Jakoba thlah la awm chhunte chu
Hnamte leh mi tam tak tân
Ramsa zînga sakeibaknei ang an ni ang a,
Berâm rual zînga sakeibaknei vânglai
A kalna apianga berâm seha pawtsawm ṭhîn,
Tu ma ngam loh ang hi an ni ang.
9I hmêlmate chungah i kut i lek ang a,
I hmêlma zawng zawng chu tihboral an ni ang.
10Chumi ni chuan in sakawrte ka lâk bosak ang che u a,
In tawlailîrte ka tichhia ang,’
Tih hi Lalpa thuchhuak a ni.
11‘In ram chhûnga khawpuite ka tichhia ang a,
In kulh zawng zawng ka tichim ang.
12In dawithiam ka tichhia ang a,
Aienthiam in nei tawh lo vang.
13In milim te, lung serh in phun te ka tihchhiatsak ang che u a,
In kutchhuakte chu chibai in bûk tawh lo vang.
14In pathiannu, Aseri lim in phunte#5:14 Thingril, pathiannu Aseri lim atân an phun fur ṭhîn a ni. chu
Ka nam tlûksak ang che u.
In khawpuite ka tichhe vek ang.
15Ka thu awih lo hnamte chungah chuan
Thinur takin phuba ka la ang.’
Currently Selected:
MIKA 5: MIZCLBSI
Highlight
Copy
Compare
Share
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
