MIKA 3
3
Mikan Israel hruaitute a dem
1Nangni Jakoba chhûngte chunga hotute leh
Israel-te zînga rorêltute u, ngaithla rawh u,
Rorêl dân dik hre tûr in ni lâwm ni?
2Nangni thil ṭha huaa, thil sual ngainate u,
Ka mite vun in lip a, an ruha tî in hlehsak a,
3Ka mite chu in ei a, an vun in lip a,
An ruh te in titliak a, thlêngah in chan darh a,
Bêla chhum tûrin an sa in chan sawm a.
4Chuvângin, Lalpa chu au mah se a chhâng lo vang,
Chutih hunah chuan an lakah a hmêl a thup zâwk ang.
Thil sual an tih reng avângin.
5Ka mite hruaikawitu zâwlneite chungthu-ah Lalpa chuan heti hian a ti:
Ei tûr petu hnênah chuan,
‘A muanawm e,’ an ti a,
Ei tûr pe duh lotu chu ensanah#3:5 Zâwlneite hian thamna petute chu an lo be ṭha a, pe duh lote chu insualah an vau, tia ngaih theih a ni. an vau a.
6Tichuan, inlârna awm lo, zân thim a thleng ang a,
Hrilhlâwkna awm lo thimin a nang ang che u.
Zâwlneite nî a liam ang a, an tân hun thim a lo thleng ang.
7Hmutheitute an zak ang a, hrilhlâwktute an mualpho vang,
Pathianin a chhân loh avângin an vaiin zakin an kun#3:7 Heb. ‘zakin hmui an hup’. reng ang.
8Kei erawh chu Jakoba bawhchhiatna leh Israel sual puang chhuak tûrin Lalpa Thlarau chuan thiltihtheihna te,
Dikna te leh chakna tein min thuam a.
9Jakoba leh Israel chhûngte chunga hotu leh rorêltu,
Dikna ngainêpa, thu dik dâwta chantîr ṭhînte u,
Hei hi hre rawh u:
10Zion chu thisenin#3:10 Mi an that a, an sum an lâksak a, chutiang sum chuan Zion-a in ropuite chu an sa a ni. in sa a,
Jerusalem pawh suahsualnain.
11Rorêltute chuan thamna beiseiin ro an rêl a,
Puithiamte pawhin hlawh ûmin an zirtîr#3:11 Puithiam hna pakhat chu mipuite Dân zirtîr a ni, an tih tûr ngei ngeiah pawh hlawh an phût. a,
Zâwlneiten sum beiseiin thu an puang a;
Chuti chung chuan ngaihngam taka Lalpa ṭawng chhanin,
‘Lalpa chu kan hnênah a awm a,
Kan chungah chhiatna eng mah a thleng lo vang,’ an ti ṭhîn.
12Tichuan, nangmahni avângin
Zion chu lo anga leh phut a ni ang a,
Jerusalem pawh a chhe rem rum ang a,
Tempul awmna tlâng chu ramhnuai a chang zo vang. #Jer. 26:18.
Currently Selected:
MIKA 3: MIZCLBSI
Highlight
Copy
Compare
Share
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
