Popular Bible Verses from MIKA 4

Share

Hnam tinin mahni pathian ṭheuh an bia ang a, A thu an zâwm ang, Keini pawhin kan Pathian LALPA chu kan bia ang a, A thu kan zâwm kumkhua tawh ang.

Hnam tam tak an lo kal ang a, heti hian an ti ang: ‘Hawh u, LALPA tlângah i chho vang u, Jakoba Pathian in awmnaah chuan, A kawng min lo kawhhmuh ang a, A kawngah chuan kan kal ang,’ Zion aṭangin dân chu a lo chhuak ang a, Jerusalem aṭang hian LALPA chuan thu a sawi ṭhîn a ni.

Ni hnuhnûnghahte chuan LALPA awmna tlâng chu Tlâng ropui ber a la ni ang a, Tlâng zawng zawng a khûm vek ang. Tah chuan mi tinrêng an lo kal duah duah ang.

Mi tin inkâr thu a rêl ang a, Hla taka hnam chak takte thu pawh a remsak ang. An khandaihte lei leh nân an chher ang a, An feite chu thei ṭang tanna kawmah an siam bawk ang. Hnam dang chungah hnam dangin hriam an lek tawh lo vang a, Indo dân pawh an zir tawh hauh lo vang.