MIKA 4
4
Rengpa roirêl zoro irngeina
(Isa 2.1-4)
1Khannisianlân, nikhua hnungkhônhaia chu hiang hin ni a ta,
Rengpa nin omna tâng kha tâng lian chunghaia khan indetin om a ta,
tâng tehai chunga khan chôiirsângin om sa ti;
kha khan chi tinrênghai kha fe mur mur an ti.
2Khan, nam tamtakhai kha fe an ta,
zuang kîr unglân, Rengpa tânga,
Jakoba Pathian ina khin hong fe ei ti;
khanchu ama’n a lampui thurchihai kha nir chûtir a ta,
a fena lampuihaia khan fe kin tih ti an ta:
Zion ata kha dân thu a zuang isuak hrang a nia,
Rengpa thu kha Jerusalem ata a zuang isuak hrang a ni.
3 #
Joel 3.10
Khan, ama khan chi tamtak kâra roirêl a ta,
hlataka nam hrât tak khom halirchu a ti;
khan, an khandaihai kha âlkaina hmor irzumhai incher an ta,
an ufeihai kha thei kunga tanna chem kolhaia incher an ti:
nam dangin nam dang chunga khandai irlek ta no nihai,
irdoi dân khom irchu ual ta no nihai.
4 #
Zak 3.10
Mi tinhai kha an grep kung hnuaia le an theipui kung hnuaia toi ual an ta;
tukhomin chi no nihai:
Sipaihai Rengpa bâia khan an sîr tâka.
5Nam tinin mâni pathian seng biak an ta,
eini khom Rengpa ei Pathian kha kumkhua’n biak ei ti.
Sal intângna ata Israelhai kîr nôk hrang thu
6 Rengpa’n hiang hin a ti,
“Kha nikhuaa khan ke’nbâi bukkhôm ki ta,
irzûlpaia om le ki intaktira om kha buk ki ta;
7Ke’nbâi chu a thi ban siam ki ta,
hlataka inhnotpai kha nam hrât taka siam ki ti:
atûn ata chu Zion tânga kumkhua’n Rengpa khan an chunga roirêl a ti.
8O nang, sa rual kul,
Zion nâinu omna tâng ni kuanga zuang tung a ta;
a ni, inlalna masa kha zuang tung a ta,
Jerusalem nâinu inlalna kha.
9Itho sika mo ni ichap rak rak?
Ni sûnga inlaltak a iom loi ma ni,
nang an kung petu a ithi mani ta,
nupang nâiha anga natna’n nang a ikop tâk ma ni?
10O Zion nâinu nupang nâiha ise nâi nei hrang angin a na tuangin lân,
irvei ro atûn khopui ata fe suak ni ta,
rama om ni ta, Babulon ten khomin a ife hrang a nia;
kha khan sansuakin om ni ta,
kha khan ni râlhai kut ata Rengpa khan nang sansuak a ti.
11Atûn nam tamtak nangma doiin an irbuka,
porinchetirin om sianlân,
ei mit hin Zion chunga a irzuk lam kha hmu ri se, an tia.
12Khannisian Rengpa ngaituanahai kha inhre mahaia,
ar fûktir kha inhre thiam mahai:
hruizôla bumût siakhôm angin anni kha a bukkhôma.
13O Zion nâinu, thoiin lân chîl roh:
ni ke kha thîr angin siam ki ta,
ni ke zapha hmorhai kha dâr angin ki isiam hrang a ni:
khan, chi tamtakhai kha zêm phiar ni ti;
an thil hlep Rengpa ta hrangin ser indang bîk ni ta,
an sum kha irnêng pumpuia Rengpa ta hrangin ser indang ni ti.
Currently Selected:
MIKA 4: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
