MIKA 5
5
Bethlehem ata roirêltu Pathianin pêk an kung
1Sipai pâlhaio, irpan irhlôm roi,
a nir huala, Israelhai hruaitu kha a bianga khianghrolin an izêm a ni.
2 #
Mt 2.6; Joh 7.42 Khannisian nang Bethlehem Efrata,
Juda rama sâng tamtakhai laia kopa a sân chîn khomin lân,
nangma ata hi Israelhai roirêltu hrang kha ki ta hrangin zuang suak a ta;
a zuang suakna kha tianlai ata le kumtuang ata a ni.
3Khasikin nâiha irveitu khan a nei mâka chu anni kha irheisan a ti;
khanchu a nâi la omsunhai kha Israela irchihai kuang kîr nôk an ti.
4Ama kha chu ngîr a ta,
Rengpa hrâtna’n a sâ rual kha infâ a ta,
Rengpa a Pathian irhming roiinpuina ngei khan:
khan, anni kha zôkin om mai an ta;
ama kha irnêng mong dênin a iroiinpui hrang a ni.
5Khan, hi mi hi ei irngeina ni a ta;
Assuria mi kha ei rama hong a ta,
ei rêng inhai a hong sir tika chu,
ama doi hrangin belrapu sari le mi roiinpui kiriat inthang suak ei ti.
6 #
Irp 10.8-11
Assuria ram kha khandaiin insiattir an ta,
Nimroda ram kha a lûtnaa khan insiattir sa a ti:
khan, ama khan,
ei rama Assuria mi a honga,
ei ram ten a hong sir tika,
ama ata khan ni sansuak a ti.
7Jakoba-hai mi la omsunhai kha chi tamtakhai laia Rengpa ata irdo tâk ang le hloisûl chunga rotho angin om an ta;
kha khan mihriam nghâk maka,
mihriam nâipasalhai ngaisak ual ma.
8Jakoba-hai mi la omsunhai kha namhai laia le chi tamtakhai laia khan ramhnuai sahai laia kâmkeibaknei ang le belra pâl laia kâmkeibaknei vânglai angin om a ta;
kha khan a fe theng photin chu,
a sirphaa, an pot thêra,
a santu hrang khom tûte om mahai.
9Ni kut kha nangma doituhai chunga irlek sianlân,
ni râl murdihai kha inboipaiin om ri se.
10Kha nikhuaa khan hiang hin ni a ti,
Rengpa’n a ti, nangma ata ni sakorhai inboipai ki ta,
ni tâlihai insiat ki ti:
11ni ram khopuihai kha inboipai ki ta,
ni kulpui murdihai kha insum ki ti.
12Ni kut ata dôitheihai inboipai ki ta;
pânzia entheihai nei ta no chi ni.
13Nangma ata ni millim siam chophai le ni lungphunhai kha inboipai ki ta;
ni kut suak thil kha biak ta no chi ni.
14Nangma ata mi Asera-hai kha inpot suak ki ta:
ni khopuihai kha insiat ki ti.
15Khan, thu irngailoi namhai chunga khan ninginmurna le milung kângna’n phuba lâkna puiinhlingtir ki ti.
Currently Selected:
MIKA 5: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
