Popular Bible Verses from MIKA 4

Share

Nam tinin mâni pathian seng biak an ta, eini khom RENGPA ei Pathian kha kumkhua’n biak ei ti.

Khan, nam tamtakhai kha fe an ta, zuang kîr unglân, RENGPA tânga, Jakoba Pathian ina khin hong fe ei ti; khanchu ama’n a lampui thurchihai kha nir chûtir a ta, a fena lampuihaia khan fe kin tih ti an ta: Zion ata kha dân thu a zuang isuak hrang a nia, RENGPA thu kha Jerusalem ata a zuang isuak hrang a ni.

Khannisianlân, nikhua hnungkhônhaia chu hiang hin ni a ta, RENGPA nin omna tâng kha tâng lian chunghaia khan indetin om a ta, tâng tehai chunga khan chôiirsângin om sa ti; kha khan chi tinrênghai kha fe mur mur an ti.

Khan, ama khan chi tamtak kâra roirêl a ta, hlataka nam hrât tak khom halirchu a ti; khan, an khandaihai kha âlkaina hmor irzumhai incher an ta, an ufeihai kha thei kunga tanna chem kolhaia incher an ti: nam dangin nam dang chunga khandai irlek ta no nihai, irdoi dân khom irchu ual ta no nihai.