Popular Bible Verses from Ane rom, echî 3

Share

Echî aŋ? Ngun ndə́m á yim obhí, á ká kpo bhik efonóm ejík ka ochî Obhasi. Kən Obhasi a tóŋe ngun onobhá-eji obhê, kpe ejûm á ka bhə́p. Na onobhá-eji obhê, a kí ko ane se á fon ekpin ka nnyen-i-mbá. Á yimá njí ka obhô Jisos Krayis nnyo á yimá êt e sémá.

Mbá nchane a ri ḿbə́ŋé ekíím na Jisos Krayis. Obhasi a kí ko chénchén ane mba á kíi ḿbə́ŋé na Jisos Krayis se á fon ekpin ka nnyen-i-mbá. A kí ko á bhó kep nne ka ochî.

Obhasi a káre Jisos Krayis se, ka obhô agyʉ́ŋ ekʉ̂ Jisos, yê tîk a rî nne nsôn a sû obhí obhê. É kí dʉ ka ḿbə́ŋé nnyi nne a kíi na Jisos Krayis. Obhasi a yimî njí a tóŋé se yê a fôn ekpin ka nnyen-i-mbá. Éməné, Obhasi a kí kəp ḿbə́ŋé, a janá obhí ane. Kən mfá-mfá, a kí toŋe se yê á yimá iyîm ka nnyen-i-mbá. A kí toŋe fə́ne se yê a kí ko kpe énê nnyo a kíi ḿbə́ŋé na Jisos se a fôn ekpin ka nnyen-i-mbá.

Nâ mân nne kpe yót cháŋ nnyo Obhasi a kí ko se a fôn ekpin ka nnyen-i-mbá nji nne á fi ebhín ńjə́ne-njənê. Obhasi a karê ebhín ejê se a nyáŋé nne a məŋé obhí mbi a yimî.

Á séŋe sê, “Nne kpe yót cháŋ nnyo á ka yim obhí bhúghí-bhúghí. Kpe nne yót cháŋ fə́ne nnyo a tʉ́ri oməŋé achot Obhasi, a kí nok se yê a tóp Obhasi. Chénchén ane á chəp njəm á kare Obhasi, á kət chichi ane. Kpe nne nno cháŋ ka nsi nnyí, kpe yót cháŋ.

É məŋe sê Obhasi a kí ko se nne a fôn ekpin ka nnyen-i-mbá, cháŋ ka eyimím iyîm mbi ebhín é fíi, kən a ri ka obhô ḿbə́ŋé ekíím na Jisos Krayis.

Bhúghí-bhúghí! Obhasi á bhó yoŋe ḿbə́ŋé eye. Kpe ngun ndə́m á chə́bhe ane áfúbhí, Obhasi á bhó yoŋe nji a chimî se yê a kí yim. É rî ka ekpak nji á séŋe á kpê na Obhasi sê, “Kpe bhaghé ejûm nji o chorê, é kí joé fə́ne ka etʉri. Kə́n kpe á kághe wâ ka esup, esup áji é bhó gbo wâ.”