Popular Bible Verses from Ane rom, echî 4

Share

Kən ka eji Obhasi a chimî, Abraham á ka fon efup. Ḿbə́ŋé nnyi a kíi nná, a káre yê ikom, a yimá yê fə́ne a kará ekûp na ejík mbâ Obhasi. Ḿbə́ŋé á ka rəm Abraham kpe mkpât, kən a kâm se Obhasi a bhîk eyimím nji a chimî.

Ka ekpak nji Obhasi a chorê ka nwet se, “We, Abraham, ń yim ane ka nték i ngun etî-etî á bhîŋ wâ se ńsé ábho.” Abraham a ri ńsé owəré ka ochî Obhasi nnyo yê a kíi ḿbə́ŋé. A ri Obhasi nnyó yót nâ a kí sʉk nne ka ekʉ̂. Yê nâ a kí ko eyum í nnyo ńjə́ne-njənê a chôt, ekpak ejûm nji nne á ka nok oyén, é fâp.

A ri Jisos nnyo a kpóe ekʉ̂ ka obhô obhí obhə́ré kən Obhasi a yîm yê a chə́bhe njəm ka ekpin se é fôn ekpin ka nnyen-i-mbá.

Ane etî-etî kə́n á fûp, kən Abraham á ka fon efup kpe ofú bhə́t. A kâm na ḿbə́ŋé-a-ḿbə́ŋé se Obhasi tîk a yîm ejûm nji a chorê. Ka obhô mbí, a bhâ chə́bhe fə́ne ńsé ane ka nték i ngun etî-etî noŋ Obhasi a chimî. Obhasi a chimî yê se, “Abhon-í-njəm abhâ tîk á tî.”

Nâ ńjə́ne nji Obhasi a timî, a fî a kî noŋ ekəp onobhá-eji mbâ ane mba á kíi ḿbə́ŋé na yê. Ejûm njí é rî é káre biyábhé-abhon Abraham chénchén, cháŋ sê mba á fóne ebhín í Mosis átíŋ. É rî é káre eróŋ mba a kíi ḿbə́ŋé na Obhasi noŋ Abraham nnyo a ri nâ ńsé owəré chénchén.

Á séŋe sê, “Deê ogyebhá-ḿbə́ŋé ó jóe na ane mba Obhasi a rî nsôn a sû obhí ábho, a rô kpó ki echî ka ḿbə́ne. Deê ogyebhá-ḿbə́ŋé ó jóe na ane mba Ńtâ Obhasi a jáne obhí ábho.”

Echî aŋ? Nwet Obhasi a sə́re se Abraham a kíi ḿbə́ŋé na yê. Ka ḿbə́ŋé nnyí, Obhasi fə́ne se ekpin Abraham é rî ka nnyen-i-mbá.