Popular Bible Verses from Ane rom, echî 2

Share

Kən ên ka ane o kí taŋ ên atem sê á yim obhí, ó kera ên tîk sê Obhasi á bhó taŋ ên? Ên ngá ó yimá ên ḿbə́ne bhə́t. Obhasi á toŋá ekpatə́m onobhá-eji, a kə́bhá ḿbə́ŋé, a janá achot ojané, kən o kí ko ên mân éfébhé. Ó bhó riŋí ên sê a fiî énoê ekpin njí a nyáŋé ên sê ó yóŋé ekpin.

Deê ó mə́ŋe ên mân sê kpe nne a ri nan, a kâ tâŋ achot atem. Obhasi á bhó yighí yê esáŋ. O kí taŋ achot atem, kən we ntáŋá-táŋá ta ó gbo. Echî aŋ? We o ri ágo o yimá eróŋ achot mma ó taŋá atem.

Tîk é jóe áno, ka Obhasi á bhó kep kpe nne ka ochî.

Ka nan? Ebhín efonóm asík nâ é kí yim Obhasi a kó ekpin í nne se é rî ka nnyen-i-mbá, a ri eyimím ejûm nji ebhín é wóme.

Obhasi a kí karé kpe énê nji é bhíghi na ekpak etûm nji yê a yimî.

Kən etʉ̂ á kéra a ri mbi ábho biji, nchot ka echî á bhó chot, á tóbha a ri obhí. Obhasi a kâk ntʉ́ghi ane mbá ka ḿbə́ŋé, tîk a kpə́re ábho ekpatə́m.

Kən ka osoná-echî obhə́né mbi ó bhó wom ên eyóŋóm, o kí yim ên Obhasi a yámá ḿbə́ŋé kpe-eji. Tîk a kpə́re ên ka ofú mbi yê a kí ko oyámá-ḿbə́ŋé mbí a táŋ ngun. A ri otáŋá-nchot obhê ó kí joé ka nnyen-i-mbá.