Popular Bible Verses from Colosséigh 3

Share

bígí foighneach fadfhulangach lena chéile, agus so-mhaiteach le chéile, má tá ábhar casaoide agaibh ar a chéile; caithfidh sibh maithiúnas a thabhairt dá chéile mar thug an Tiarna maithiúnas daoibh.

Bíodh bhur n-intinn dírithe ar a bhfuil ar neamh in airde, gan a ndíriú ar a bhfuil ar an talamh thíos.

Cibé a bhíos le déanamh agaibh, cuirigí bhur gcroíthe ann, mar nach mbeifeá ag obair do dhaoine eile ach don Tiarna

Cuirigí oraibh mar sin, mar a dhéanfaidh na daoine naofa grámhara a thogh Dia, trócaire, cineáltas, ceansacht, agus foighne

Cónaíodh briathar Chríost ionaibh go hiomadúil agus sibh ag tabhairt teagaisc agus tromchomh-airle dá chéile go críonna ciallmhar, agus sailm agus dánta diaga á gceol agus á gcanadh agaibh ag altú do Dhia ó chroíthe lán de bhuíochas. Agus cibé a bhíos á dhéanamh agaibh, más briathar nó gníomh é, déanaigí é in ainm an Tiarna Íosa, ag tabhairt buíochais do Dhia an tAthair tríd.

Agus thar ní ar bith eile cuirigí an grá oraibh, ós é an comhcheangal críochnaithe é.

Má bhí an pháirt sin agaibh i gcomhaiséirí le Críost, bíodh iarraidh agaibh ar a bhfuil le fáil ansin in airde, áit a mbíonn Críost ann, ina shuí ar láimh dheas Dé.

Agus bíodh síocháin Chríost i réim in bhur gcroíthe, ar gaireadh chuici sibh go fíor san aon chorp amháin. Agus bígí buíoch.

Cuirigí chun báis mar sin an méid ionaibh is den saol seo: an striapachas, an mhígheanmnaíocht, anainmhian, an drochthalann, agus an tsaint sin arb ionann í le híoladh-radh.

Mar is é rud, tá sibh i ndiaidh bás a fháil, agus tá bhur mbeo i bhfolach le Críost i nDia.

Ach anois tá oraibh a gcaitheamh uaibh uile; fíoch agus fearg agus mírún agus cúlchaint, agus gáirsiúlacht ná tagaidís chun bhur mbéil.

Ná déanaigí bréag le chéile, ós rud é go bhfuil an sean-drochnádúr agus a mhíghníomhartha curtha díbh agaibh, agus ós rud é go bhfuil an t-athnádúr úrnua curtha oraibh agaibh, atá ag athrú a chrutha le haithne chosúlacht a chruthaitheora.

A fheara céile, tugaigí grá do bhur mbanchéilí, agus ná bígí cadránta leo.

A chlann óg, umhlaígí do bhur dtuismitheoirí san uile ní, mar taitníonn sé sin leis an Tiarna.

A bhanchéilí, umhlaígí do bhur bhfir chéile, mar a dhlíonn sibh don Tiarna a dhéanamh.