Popular Bible Verses from Luug 4

Share

«Xelum Boroom baa ngi ci man, ndaxte moo ma tànn, ngir ma yégal néew doole yi xibaaru jàmm bi. Dafa maa yónni, ngir ma yégal jaam ñi ne dinañu leen goreel, yégal gumba yi ne dinañu gis, te jot ñi ñu not, tey yégle atum yiw, mi jóge ci Boroom bi.»

Yeesu ne ko: «Mbind mi nee na: “Nanga màggal Yàlla sa Boroom te jaamu ko moom rekk.”»

Yeesu ne ko: «Mbind mi nee na: “Nit du dunde mburu rekk.”»

Noonu Yeesu fees ak Xel mu Sell mi, jóge dexu Yurdan.

Yeesu ne ko: «Bind nañu ne: “Bul diiŋat Yàlla, sa Boroom.”»

Bi mu ko lalalee fiiram yi mu am yépp, Seytaane daldi sore Yeesu, di xaar yeneen jamono.

Seytaane yóbbu na ko fu kawe. Ci xef ak xippi mu won ko réewi àddina sépp, ne ko: «Dinaa la jox bépp sañ-sañu nguur yii ak seen ndam ndaxte jébbal nañu ma ko, te ku ma soob laa koy jox. Kon boo ma màggalee, dinga moom lépp.» Yeesu ne ko: «Mbind mi nee na: “Nanga màggal Yàlla sa Boroom te jaamu ko moom rekk.”»

Seytaane yóbbu na ko Yerusalem, teg ko ca njobbaxtalu kër Yàlla ga ne ko: «Boo dee Doomu Yàlla, tëbal jëm ci suuf, ndaxte Mbind mi nee na: “Dina jox ay malaakaam ndigal ci sa mbir, ñu sàmm la, dinañu la leewu ci seeni loxo, ngir nga baña fakktalu ciw doj.”» Yeesu ne ko: «Bind nañu ne: “Bul diiŋat Yàlla, sa Boroom.”»