Popular Bible Verses from Abakolosai 1

Share

Yakhuhonia mubwami bweshiilima, nakhuhuyia nakhuleera mubwami bwOmwanawe omuheelwa

Okhuba mumwenoyo nimwo omwa ebindu biosi bialonjelwa, mwikulu khandi mushialo, ebindu ebilolekha nende ebindu ebiralolekha ta; kata nibili ebifumbi biobwami, kata abobwami, kata aboburuchi, kata abobunyali; ebindu biosi bialongwa khululwe, nibichooma khuye.

Yaliho ebindu biosi nibirashiabaho ta; kata ebindu biosi bihambanilanga muye.

Ne niye likondo liene liaNyasaye ouralolekha ta, noweebulwa owambeli owomubulonje bwosi.

Niko akachila nineefwe fwesi, okhurula khunyanga olwa khwahulilakhwo, shikhukonelanga tawe okhulaama nikhumusaayila mbu mwitsusibwe obumanyi bwa ako aka yeenya, mubuchesi noburechelefu bwosi bweshiroho, mbumuchendenje shinga olwa kamukhoyeele, olwa muli abOmwami; nimumuchamisia mukosi, nimwama ebiamo mubuli mulimo omulayi, nimumeeta okhumumanya Nyasaye.