Popular Bible Verses from Эфеслеләргә хат 4

Share

Бер-берегезгә карата игелекле, шәфкатьле булыгыз. Аллаһы сезне Мәсих аша кичергән кебек, сез дә бер-берегезне кичерегез.

Тыйнак, сабыр булыгыз, бер-берегезне яратып, түземлек күрсәтегез.

Телегездән начар сүз чыкмасын, тыңлаучыларга файдасы булсын өчен, үгет-нәсыйхәт бирерлек игелекле сүзләр сөйләгез.

Ачыну, ярсу, ачулану, кычкыру, яман телләнүдән һәм һәртөрле явызлыктан баш тартыгыз.

Ачуыгыз чыккан булса да, гөнаһ кылмагыз: кояш батканчы, ачуыгыз басылсын. Тормышыгызда иблискә урын калмасын.

алдавыч нәфесләр белән азынган элекке табигатегездән, әүвәлге яшәү рәвешеннән баш тартыгыз. Уй-фикерләрегез яңарсын, һәм Аллаһыга охшаш итеп яратылган яңа – чын мәгънәсендә тәкъва һәм изге кешегә әйләнегез.

Үзара тату яшәп, Рух аша бердәм булуыгызны сакларга тырышыгыз.

Берәүләрне Ул – рәсүл, икенчеләрне – пәйгамбәр, өченчеләрне – Яхшы хәбәрне җиткерүче, кемнәрнедер бердәмлек башлыгы һәм өйрәтүче итеп куйды. Аллаһының изге халкын хезмәт итүгә әзерләү, Мәсих тәнен, ягъни иман итүчеләр бердәмлеген ныгыту өчен эшләде Ул моны. Һәммәбез иманда һәм Аллаһы Углын танып белүдә бердәм булуга ирешкәнче бу шулай дәвам итәр. Нәтиҗәдә без иманда ныгыган һәм Мәсих кебек үк камиллеккә ирешкән кешеләр булырбыз.

Инде без, мәкерле кешеләрнең хәйләсенә алданып, дулкыннар һәм җилләр куып йөрткән көймә сыман, төрле ялган тәгълиматларга иярүче сабыйлар булмыйк. Киресенчә, хакыйкать турында мәхәббәт белән белдереп, бар нәрсәдә Мәсихкә охшарга тырышып һәр яклап үсик. Мәсих ул – Баш