Popular Bible Verses from Эфеслеләргә хат 5

Share

Аллаһының сөекле балалары буларак, Аңа охшарга тырышыгыз. Мәсих безне яраткан кебек, сезнең дә күңелегездә мәхәббәт яшәсен. Аллаһыга хуш исле корбан бүләге итеп Мәсих безнең өчен Үз тормышын бирде.

Шунлыктан яшәү рәвешегезгә игътибар итегез, акылсыз кешеләр кебек түгел, ә бәлки зирәкләр кебек гомер итегез. Вакытыгызны яхшы эшләр өчен исраф итәргә тырышыгыз, чөнки яман заманда яшибез.

Шәраб эчеп исермәгез, чөнки ул азгынлыкка китерә, киресенчә, Изге Рух белән сугарылыгыз. Бер-берегез белән мәдхияләр, мактау шигырьләре һәм рухи җырлар аша аралашыгыз, күңелегездән Хакимне данлап җырлагыз, һәрвакыт һәр нәрсә өчен Хакимебез Гайсә Мәсих исеме аша Атабыз Аллаһыга рәхмәтләр укыгыз.

Уйламыйча эш итүегезне ташлагыз, Раббы ихтыярына төшенергә омтылыгыз.

Иман итүчеләр бердәмлеген яраткан һәм аның өчен Үз тормышын корбан иткән Мәсих кебек, сез дә, ирләр, хатыннарыгызны яратыгыз.

Кайчандыр сез караңгылык идегез, ә хәзер, Хаким Гайсәнеке булганга, сез – яктылык. Яктылык кешеләре булып яшәгез.

Мәсихкә ихтирам йөзеннән бер-берегезгә буйсынып яшәгез.

Хатыннар, Хаким Гайсәгә буйсынгандай, ирләрегезгә буйсыныгыз.

Ә инде сезгә килгәндә, һәрберегез үз хатынын үзен яраткан кебек яратсын, хатын исә ирен хөрмәт итсен.

Язмада әйтелгәнчә, «шуңа күрә ир кеше, ата-анасын калдырып, хатынына кушылыр, һәм алар икесе бер тән булыр».

Караңгылыкның файдасыз эшләрендә катнашмагыз, киресенчә, аларны фаш итегез.