Popular Bible Verses from தானியேல் 2

Share

இவ்வாறு சொன்னான்: “இறைவனின் பெயர் காலகாலமாக துதிக்கப்படுவதாக! ஞானமும், வல்லமையும் அவருடையவையே. காலங்களையும் பருவகாலங்களையும் மாற்றுபவர் அவரே; அரசர்களை நீக்குபவரும், மாற்று அரசர்களை நியமிப்பவரும் அவரே; அவரே ஞானிகளுக்கு ஞானத்தையும், அறிவாளிகளுக்கு அறிவையும் கொடுப்பவர். ஆழமானதும், மறைவானதுமான காரியங்களை வெளிப்படுத்துகின்றவர் அவரே; இருளில் உள்ளதை அவர் அறிகின்றார், ஒளியும் அவருடன் தங்கியிருக்கின்றது.

அதற்குத் தானியேல் அரசனிடம் இவ்விதமாய் பதிலளித்தான், “அரசர் வெளிப்படுத்தும்படி கேட்டிருக்கும் இந்த மறைபொருளை அரசருக்கு விளக்கிக் கூற எந்த ஞானியாலோ, மந்திரவாதியாலோ, சோதிடர்களாலோ, குறிசொல்கின்றவர்களாலோ முடியாது. ஆனால் அரசே, மறைபொருட்களை வெளிப்படுத்துகின்ற இறைவன் பரலோகத்தில் இருக்கின்றார். வரப்போகும் நாட்களில் நிகழப்போவதை அவரே நேபுகாத்நேச்சார் அரசருக்கு வெளிப்படுத்துகின்றார். அரசர் படுக்கையில் படுத்திருந்தபோது கண்ட கனவும், உமது சிந்தனையை கடந்து சென்ற தரிசனங்களும் இவையே

“அந்த அரசர்களின் நாட்களில் பரலோகத்தின் இறைவன் இராச்சியம் ஒன்றை எழச் செய்வார். அது அழிக்கப்படவோ, அந்த இராச்சியம் பிற மக்களின் அதிகாரத்தில் விடப்படவோ மாட்டாது. அது முன்பிருந்த இராச்சியங்களையெல்லாம் நொறுக்கி அழித்து முடிவுக்குக் கொண்டுவரும். ஆயினும் அதுவோ என்றென்றும் நிலைத்து நிற்கும்.