Popular Bible Verses from نامَه وَ کِلیسِی کولُسی‌ 3

Share

یَکَه تحمل کِنیت، وِ یِکدو نَه بویَخشیت، اَر کسی وَ یکی شکایتی دارِه، هَموطو که خداوند ایشا نَه بَخشی، ایشا هَم بایِس یَکَه بُویَخشیت.

فکرتونَه بِنیت وَ ری چییَلی که وَ بالایَه، نَه وَ ری چییَلی که وَ ری زمینِه.

هر چه ایکِنیت، وَ دل کِنیت، طوری که انگار سی خداوند ایکِنیت نَه سی مردم،

پَ مِی برگزیده‌یَلِ خدا که مقدّس وِ عزیزِن، دلسوزی، مِرَبونی، کوچِک‌نظمی، نَرمی و صبرَ کِنیت وَرِتون.

کلامِ مسیح وَ فراوونی مِنِه ایشا منزل کِنِه، بِی تَمومیِ حکمت، یَکَه نصیحت کِنیت و تعلیم بِئیت، بِی مزامیر وِ سِرویَل وِ آوازَلی که وَ روحِ خدایَه، بِی شکر کِردن وَ تَهِ دلتون سی خدا بِخونیت. وِ هر چی ایکِنیت، مِنِه گفتار یا مِنِه کردار، هَمَه نَه وَ نومِ خداوند عیسی کِنیت، وُ وَ واسطۀ وُّ خِدِی بُو نَه شکر کِنیت.

وُ وَ ری تمومِ اینگَل محبتَه کِنیت وَرِتون، که هَمَه چی نَه بِی یَک وَ طورِ کامل وَ یَک پیوند اییِه.

پَ اَر ایشا بِی مسیح زِندَه وابیئیتِه، وَ دینِ اوچییَلی بِیت که وَ بالایَه، وُچه که مسیح وَ دَسِ راسِ خدا نِشَسِه.

صلح‌وُسلامتیِ مسیح وَ دِلِتون حاکم بو، که وَ راسی مِنِه یِه بَیَن سیش خُوندَه وابیئیت. وِ شکرگزار بِیت.

پَ اوچیئی نَه که مِنِه ایشا زمینی یَه، بِکِشیت: یعنی هرزه‌ای، ناپاکی، شهوت، خواسه‌یَلِ گَند، و طمع که هَمو بُت‌پرستی یَه.

سی‌یِکِه ایشا مُردیتِه وِ زِندِیی‌تون بِی مسیح مِنِه خدا پَنونِه.

امّا ایسِه ایشا بایِس تمومِ اینگَلَه بِنیت اوبال، یعنی خِشم، غضب، بَدخوایی، بُهتون وِ گَپَلِ زشتی که وَ دِهونِتون ایا وَدَر.

وَ یَک دِرو نَگِیت، سی‌یِکِه ایشا او انسانی نَه که نِهِی یِه بیئیت بِی کارَلِش وَ وَرتون درآوُردیتِه وِ انسانِ تازَه نَه کِردیتِه وَرِتون، که مِنِه شناختی دِرُس هر دَقَه نو ایابو تا مِی آفرینَندَش وابو.

ای میرِه‌یَل، زَنَلِ خِتونَه دوس داشتَه بِیت وِ باشون تندی مَکِنیت.

ای اولادَل، مِنِه هر چیئی مطیعِ دِی‌بُوتون بِیت، سی‌یِکِه یِه خداوندَ خشنود ایکِنِه.

ای زَنَل، مطیعِ میرِه‌یَلِتون بِیت، هَموطو که مِنِه خداوند شایستَه یَه.