Popular Bible Verses from نامَه وَ کِلیسِی کولُسی‌ 2

Share

پَ هَموطو که مسیح عیسی خداوندَ قبول کِردیت، مِنِه وِّ قَیَم وَگِریت: مِنِه وِ ریشَه کِنیت وِ رُشت کِنیت وِ هَموطو که یای گِرُتیتِه، مِنِه ایمون پاوَرجا بِیت، لُوریز بِیت وَ شکر کِردن.

حَواستون بو تا کسی ایشا نَه بِی فلسفَه وِ حیلۀ‌ پیک گرفتار نَکِنِه، که نَه وَ طبقِ مسیح، بَلکَم وَ طبقِ رسمِ رسومِ بشری وِ طبقِ اصولِ ای دنیا یَه.

وِ خدا ایشا نَه که مِنِه گِنایَل وِ جسمِ خَتنَه نَوابی‌یِۀ خِتون مُردَه بیئیت، بِی مسیح زِندَه کِه، وِ تَمومِ گِنایَلِ ایما نَه آمرزی، وِّ سندِ او قرضی نَه که بِی قانونَلِش وَ ضِدِ ایما بی باطل کِه، وُ وِه نَه وَ بِین بُرد، وِ میخِش کِه وَ صلیب.

سی‌یِکِه تَمومِ پُریِ ذاتِ الهی وَ شکلِ جسمانی مِنِه مسیح منزل دارِه، وِ ایشا پُر وابیئیتِه وَ وُّ، که سَرِ تَمومِ ریاسَتَل وِ قُدرَتَلِه.

پَ نَلیت کسی دَرموردِ اوچیئی که ایخَریت وِ اینوشیت، یا دَرموردِ عِید وِ ماهِ نو وِ روزِ شَبات، قضاوَتِتون کِنِه. اینگَل سایه‌ای وَ چییَلی یَه که ایایِه، امّا اصلِ اونگَل این مسیح یَه.