Popular Bible Verses from Kol. 2

Share

Anusiloan poi kam Kristus Jesus, Tuhanta, oto puparaboat kam ka bagania, muungat samba tupaeru ka tubunia, samba memei maron ka bagat tonem baga sigelaiakenen ka kam, samba paatuatmui sun pusurakat.

Pagaba kam, bui rapepeake kam kasei pa kalulut tiboiet sikut paatuat si ta baga siripot nganturat sirimanua siobat bagat taikapolak, tapoi ta siripot Kristus.

Kam leu simamatei kalulut pasisasabaumui samba taitususunat akkulamui, airimanuaakean kam Taikamanua pasamba nia, lepa aiappeake sangamberi pasisasabauta, ka poposana surat utakta, sijoake sita siripot aturan surukat. Sangamberinia nenda aitataakean, aipattaake nia ka loina siliktenga.

Ka tubut Kristus le poi ikuddu sangamberi putubuat Taikamanua ia te ka pusisirimanuania. Samba ka kam leu atuakean puririmanua simasun ka bagania; nia le poi utet sangamberi pamarenta samba sibara gege.

Kalulut nene buian raukum kam kasei pa ka pagalaiat komen ele loket, ele gogoi punen, laggo sibau ele gogoi Sabat. Aipoi sangamberinia nene ailiggou siooi ka sibabara le, tubunia geti ia te Kristus.