Kol. 2
2
1Aipoi koba le nuagai kam beunan pasagganganku punu tubumui, samba punu tubuda tai Laodikea samba sangamberida sitaiagai aku pei le, 2bule itupusuibi bagada, samba musara ka bagat nuntut baga, bailiu kope ron pukokolou samba puaagaira pakeleat Taikamanua, ia te Kristus. 3Aipoi ka tubut Kristus le mulipput sangamberi pukayoat sikut paatuat samba puaagai.
4Kukukua nia nene, bui rapataju kam kasei pa kalulut tiboiet pananaman. 5Aipoi kenanen ta anai tubuku ka talagamui, tapoi ai le kupaalei kam ka bagat ketsat samba maangka bagaku masiitco lelek puririmanuamui samba ron tonem bagamui ka bagat Kristus.
Puririmanua simasun ka bagat Kristus
6Anusiloan poi kam Kristus Jesus, Tuhanta, oto puparaboat kam ka bagania, 7muungat samba tupaeru ka tubunia, samba memei maron ka bagat tonem baga sigelaiakenen ka kam, samba paatuatmui sun pusurakat.
8Pagaba kam, bui rapepeake kam kasei pa kalulut tiboiet sikut paatuat si ta baga siripot nganturat sirimanua siobat bagat taikapolak, tapoi ta siripot Kristus. 9Ka tubut Kristus le poi ikuddu sangamberi putubuat Taikamanua ia te ka pusisirimanuania. 10Samba ka kam leu atuakean puririmanua simasun ka bagania; nia le poi utet sangamberi pamarenta samba sibara gege.
11Ka bagania leu atusunat kam, sunat ta sigalai kabei sirimanua, tapoi sunat Kristus le sipasigogolok tubu sijo. 12#Rm. 6:4 Aipoi ka pasiraukat sipunenan turateiake kam pasamba nia, samba ka bagania leu tusuruake kam kalulut tonem bagamui ka geget galajet Taikamanua, sipasisusuruake nia ka simamatei. 13#Ep. 2:1-5 Kam leu simamatei kalulut pasisasabaumui samba taitususunat akkulamui, airimanuaakean kam Taikamanua pasamba nia, lepa aiappeake sangamberi pasisasabauta, 14#Ep. 2:15 ka poposana surat utakta, sijoake sita siripot aturan surukat. Sangamberinia nenda aitataakean, aipattaake nia ka loina siliktenga. 15Aikalaakean sapamarenta samba sibara gege, aibailiuakean sia ikbungen siberikabaga ka bagat kamanangannia.
16 #
Rm. 14:1-6
Kalulut nene buian raukum kam kasei pa ka pagalaiat komen ele loket, ele gogoi punen, laggo sibau ele gogoi Sabat. 17Aipoi sangamberinia nene ailiggou siooi ka sibabara le, tubunia geti ia te Kristus. 18Bui nuobaake kam rapakatai kamananganmui sia sipaepe tubuna samba sipanindogi samalaika, situturi sarat ka siitcora samba siumunake tubu si ta lulu sibara ka pupaatuanan akkulara, 19#Ep. 4:16 ta Kristus, sibailiu Ute raukkaake, sipasiuurau sangalio tubu, siripot teu bagat Taikamanua, pinaron samba pinatabbarat ungat samba pauilakat.
Matei samba murimanua pasamba Kristus
20Oto ke amateian kam pasamba Kristus samba abelangan ka paneineiat paketsatketsat polak nene, angoi musum pei le kam ka sene ngamata aturan, kean le bai ai pei le ipaneneinei kam polak nene, 21“Bui nurape nene”, “Bui nukom nenda”, “Bui nutului nene”. 22Sangamberinia nenda pagalaiat simasususu le ke atupakeian samba sarat aturan nganturatda sirimanua le. 23Kenanen tuitco nia kele pusikuat paatuat, masipaumun putotopit, masipaepe tubu, masibesiki tubu; tapoi ta anai kauta nia, sarat masisegeake siobat akkula le.
Currently Selected:
Kol. 2: MWV
Highlight
Copy
Compare
Share
Want to have your highlights saved across all your devices? Sign up or sign in
@LAI 2015
