Popular Bible Verses from Kol. 3

Share

Paom kam baga pasasambamui, samba paappe kam jo pasasambamui ke ai sitaipasese sigalai sisara ka sabagei, kele aappeakena kam si Tuhan, kisedda leu nugagalai kam.

Sibabara ka patangan le paatu kam, buian sibabara ka polak.

Aipoi apa nugalai kam, bulat sibara ka paatuat nugalai kam nia kele kai Tuhan, bui kele ka sirimanua.

Kalulut nene, siripot sipilit Taikamanua, sipuneni samba pukatekietnia baga, pakei kam pukatekat baga, puaanggai, epet paatuat, leppet baga samba om baga.

Kau ikuddu tiboiet Kristus simasun ka bagamui, bailiu ka bagat sangamberi sikut paatuat nupanganturu samba nupaase kam pasasambamui samba sialei urai psalmen, urai pasiumun samba urai puketsanan nusuraki kam Taikamanua ka bagat paatuatmui. Samba apa apa nugalai kam ka bagat titiboat ele galajet, ka onin Tuhan Jesus le galai kam nia, samba suraki kam Taikamanua Ukkui kalulut nia.

Samba ka uddut sangamberi nenda pakei kam nuntut baga, pasiappara sikau musara samba masisutnake.

Oto ke atusuruakean kam pasamba Kristus, sibabara ka pata le gaba kam, ka pukudduat Kristus, kai kattoet Taikamanua.

Samba aban Kristus masipaneinei paatuatmui, kalulut nenda poi aitusogai kam ibailiu sara tubu. Samba kau imasura bagamui.

Oto mateiake kam sangamberi siobat polak ka bagat tubumui, ia te puumunan, pulolinan, pubotbonan, botbot ka sikatai samba leu alau baga (aipoi alau baga makere ka pasibubuluji buluat).

Aipoi amateian kam samba purimanuaiatmui atulipputnan pasamba Kristus ka bagat Taikamanua.

Tapoi kineneiget ribbaiake kam sangamberinia nene ia te: golu, ngoingoi baga, katai, asa samba nganga sikatai sibebela ka ngungumui.

Buian nupaboko kam pasasambamui, anugolokngan poi kam sirimanua siburu pasamba puparaboanannia, anupakeian kam sirimanua sibau riuriuakenen tubauake masisese puaagai sipulelelek siripot tularat Sipasibabaraake nia.

Kam taimanteu pununtuki kam baga tainanalepmui, bui nupugoluki kam sia.

Kam tatoga, reddet kam saeppumui ka bagat sangamberinia, ia poi obaket bagat Tuhan.

Kam tainanalep pusum kam ka taimanteumui, kele simateu kai Tuhan.