Popular Bible Verses from Kol. 1

Share

Aibelaakean sita ka geget pugepgeman, aikauan sita ka bagat Purimataat Togania kilibet bagania

Aipoi kalulut nia le aitubaraake sangamberinia ka sorga samba ka polak, simaiitco samba sitaimaiitco, uddenan purimataat ele purimataat, sipupaparenta ele sibara gege; sangamberinia nia le aibaraake nia samba sibakkatnia.

Nia le siboiki abara ka sangamberinia samba sangamberinia ai le ka tubunia.

Kristus ia te tularat Taikamanua sitaimatotoila, sikebbukat ka sangamberi sibaraakenen.

Kalulut nene barania ka teteret akuarep kai nia, ta anai ari kutiddouake kai kam. Kutiddou kai bule nusilo kam sikut paatuat samba puaagai simakolou sibara ka Ketsat nuagai kam obaket Tuhan sipulelelek, imateu nupurimanua kam ka matania samba ioba bagania ka bagat sangamberinia samba mubua kam ka sangamberi galajet simaeru, samba muurau ka bagat puaagai pagalaiat Taikamanua