Popular Bible Verses from යෙසායා 45

Share

අන්ධකාරයෙහි නිධාන සහ රහස් තැන්වල නිධන්ගත ධනය මම ඔබට දෙන්නේ, ඔබේ නම කියා ඔබ කැඳවන මා ඉශ්‍රායෙල්ගේ දෙවියන්වහන්සේ වන ස්වාමින්වහන්සේ වග ඔබ දැනගන්නා පිණිස ය.

මම ඔබට පෙරටුව යමින්, කඳු සමතලා කරන්නෙමි. මම ලෝකඩ දොරටු බිඳ, යකඩ දොර පොලු කපා දමන්නෙමි.

ස්වාමින්වහන්සේ මම ය; වෙනත් කෙනකු නැත. මා මිස, අන් දෙවියන්වහන්සේ කෙනකු නැත. ඔබ, මා දැන-හැඳින නො සිටිය ද, මම ඔබ සන්නද්ධ කරන්නෙමි. එසේ කරන්නේ, හිරු නැගෙනා තැන පටන් සහ බස්නාහිර පටන් ජනයා, මා හැර අන් කිසිවකු නැති වග දැනගන්නා පිණිස ය. ස්වාමින්වහන්සේ මම ය. මා මිස අන් කෙනකු නැත.

මම එළිය තනන්නෙමි; අඳුර මවන්නෙමි. මම සමෘද්ධිය ගෙනෙන්නෙමි: විපත මවන්නෙමි. මේ හැම දෑ කරන්නේ ස්වාමින්වහන්සේ වන මා ය.

“පොළෝ සීමාන්තවල සිටින සියල්ලෙනි, මා වෙත හැරී, ගැලවීම ලබන්න. මන්ද මම දෙවියන්වහන්සේ වෙමි. වෙනත් කෙනකු නැත.

“ස්වකීය අභිෂේක ලද්දාණන්ට, ඔහු ඉදිරියේ ජාතීන් යටත් කරවන්නටත්, රජුන් නිරායුධ කරන්නටත්, ගේට්ටු වසා නො තබන පිණිස ඔහු ඉදිරියේ දොරටු විවර කරන්නටත් මවිසින් දකුණතින් අල්ලා ගත් තැනැත්තාට, කෝරෙෂ්ට, ස්වාමින්වහන්සේ මෙසේ කියන සේක

මා ගැන ම මම දිවුළෙමි; වෙනස් කළ නො හැකි වදනක්, පූර්ණ දමිටුකමින් යුතු ව මා මුවින් නික්ම ඇත. එනම්, හැම දණක් ම, මා ඉදිරියෙහි නමනු ඇත. හැම දිවක් ම, මා ගැන දිවුරනු ඇත.

මන්ද මගේ සේවකයා වන යාකොබ් උදෙසා, මා තෝරාගත් ඉශ්‍රායෙල් උදෙසා, මම ඔබේ නමින් ඔබ අමතමි. ඔබ, මා දැන-හැඳින නො සිටිය ද, මම ඔබට ගරු නමක් දුනිමි.