Popular Bible Verses from Nje gə Kɔlɔsə 3

Share

Oreje ur-si dɔ naa gə gə yo gə nee, ngaɓa dəw gə ɓo aw gə njemar-ɛ gə tar nama ɔrəje tar dɔ naa gə gə yo gə nee, to to gə Kirisi kara ɔr ne tar dɔ-si gə le, sisəy kara ꞌɗaje gə naa to gə bənəng tɔ.

Ar-je kəji neje gə dara ɓa uwa mə-si ɓo neje gə dɔ nangə gə nee ang.

Neje tɔ̰y ja gə a kaw ɗaje nama, ꞌɗaje gə dɔ ɓəngərə-si ja tɔ̰y to to gə aw ɗaje mba kar Mbayɓe be, ɓo mba kar dəwje baa ang

Be ɓa Luba ja njigi-si, mbərə-si ngaɓa togo-si le ɗaa, may kar ko kəmtondoo gə tɔgərɔ, gə məmay, kula dɔ ngulum, gə kaw yururu gə kila mə dɔ mar-ɛ gə ɓa ar-je uwa mə-si.

Ar-je tar lə Kirisi ɗa ɓe mə-si gə gə mong-e, ꞌndoje naa ngaɓa ꞌndəjije ne naa gə yo gə nee gə kəm karə, ɔsəje gaji Luba gə pa kɔsə, paje ɓədə-ɓədə, gə paje gə ɗəw Njil gə, ɔsəje pa, ꞌɗa-eje ne oyo gə dɔ ɓəngərə si tɔ̰y. May kar tar ɓa a kaw paje ose ne gə ɗa-ɗa ɓa a kaw ɗaje kara, ꞌɗaje ne tɔ̰y gə ri Mbayɓe Jeju, ꞌtəlje ne gə oyo ar-je Luba gə Bɔ dəwje gə ri-a.

Ngaa ne gə to ɓəəl unda neje gə əng tɔ̰y ja to njigi mba njigi ja ɓa to kula gə a tɔ-si naa gə kar ꞌmayje ne pɛdə.

To gə ɓo uyje ɓa ꞌndolje gə Kirisi naa gə nama, may kar ꞌsangəje go neje gə dara, lo gə Kirisi isi kəne dɔ ji kɔl Luba gə.

May kar ɗɛgɛgɛ lə Kirisi gə ꞌɓar-si kəne d-ar umje ne naa gə gə darɔ gə kara baa le, o̰ ɓe dɔ ɓəngərə si gə. ꞌƊa-eje oyo.

Ar-je ɓo neje gə nangə nee uy mə-si gə: ɗa kaya, wə̰rə̰ kaya, ɓo neje gə uwa darɔ ɓərə, ɓo neje gə kṵra̰y ngaɓa ɓo lar gə to polo magəje.

Mba uyje ɗaa təbə lə-si iya rɔ-ɛ gə Kirisi rɔ Luba gə.

Ngaa ɓisine ɗaa, sisəy le, may kar ꞌtɔrəje neje tɔ̰y gə to nee le horo-si gə gə ɗangə: wungu, kəji lə daje, məndul, pa gə naa, gə tarje gə ngabula gə aw ce ta-si gə.

Sisəy le, ꞌpaje tar gə ɗəgərə ar-je naa ang, mba ɔrəje darɔ gə ləw gə kula ɗ-ɛje nam ngaa. Be ɓa unje pa nja gə sigi gə aw dɔ-ɛ gə kede-kede mba kun ne ndaji njekunda gəl-e mə-si gə mba kar ꞌgər-eje ne ɔr njal.

Jingawje, na-na kara njigi jene lə-a ngaɓa ar-je rɔ-si adə-si dɔ-je ang.

Nganje, dan neje gə tɔ̰y le, ilaje kuji dɔ njekuji-sijee gə, mba ye gə kən ja ɓa may ta ne kəm Mbayɓe gə.

Jeneje, na-na kara, oso kul no ngab-ɛje gə, to ne gə may kəm Mbayɓe gə.