Popular Bible Verses from Nje gə Kɔlɔsə 2

Share

Be ɓa mba ꞌtaje Kirisi Jeju gə Mbayɓe ɗaa may kar-si ꞌnjaje ɗəw gə lə-a, ꞌmaaje ngira-si rɔ-ɛ gə ngaɓa ubaje singa, ar-je njang dɔ takagə gə gə go ɗəb-e gə ꞌtɔji-si, cibi ꞌɗaje Luba oyo jaga-jaga ja.

Oje gə maj-ɛ ɓa, mba kar dəw un kəm karə lə dəwje uba ne si gə kula ngaɓa gə tar kərəje gə baa gə go nejiɓe lə dəwje, gə go neje gə dɔ nangə nee baa ɓo gə go ɗəw lə Kirisi ang.

Sisəy le uyje mbudugu ɗəw neɗaje gə gə dɔ gɔl-ɛ ang gə lə-si ngaɓa mba unjaje bərə-si ɗəw darɔ gə ang, n-ar-si ꞌtəl isije sə-a kəm baa, n-ɔr ne tar neɗaje gə kṵra̰y lə-si tɔ̰y dɔ-si gə; n-tuji ne tar gə ꞌɗa mbede gə uwa dɔ-si, mbede gə tar gə m-e gə ila tar dɔ-si gə le, n-ɔr dɔ-si gə n-ɓər-e kagə dəsə gə

Mba ꞌne gə n-un lo kun darɔ Luba ja mɔgɔgɔ. Ɗaa təbə lə-sisəy andə mə naa gə gə təbə lə-a, ꞌne gə n-to Mbay gə nje dum dɔ njilje gə njeko̰ dɔ loje tɔ̰y ngaɓa njeko̰ loje tɔ̰y nəm tɔ.

Be ɓa, ar-je dəw ila tar dɔ si gə ɔji dɔ nekusa ose nekay, ɔji dɔ tar ɗa nay, gə nay gə sigi, ose ɔji dɔ ndɔ kuwa kɔr ang, neje gə əng tɔ̰y le to njil neje gə a kaw ɗe ngaa ne gə tɔgərɔ ɗaa to Kirisi.