Popular Bible Verses from 1 Yohane 4

Share

Uka kniicu ka meeniq gnaalu. Mttuku bale ka gnaalu we qmada kniicu nganguc. Ado ckceka kniicu we niqan pkdira. Seediq niqan kniicu we ini knttuku niqan na gnaalu.

Lqlaqi biciq, nuUtux Baro ka yamu, wada namu ini baka ka uxe bale ba mpgeela kari. Ado mgkala knparu na meeniq qnlangan ka ga meeniq ckceka namu.

Gmalu ta we, ririh wada plaale gmaalu ita ka Utux Baro.

Kana sgaalu mu, pggaalu ta ka ita. Ado pneeyah Utux Baro ka gnaalu. Kana niqan gnaalu we pneeyah Utux Baro kana ma mkela Utux Baro uri.

Uka gnaalu we kiya ka ini kela Utux Baro. Ado gnaalu ka Utux Baro.

Uxe ita ka wada gmaalu Utux Baro, heya ka wada gmaalu ita. Betaq smkagul laqi na ririh qnquwan noda ta wada ngalan snapuh psruwa qnquwan noda di. So nii we kiya ka kesun gnaalu.

Kana sgaalu mu, so nii gmaalu na ita ka Utux Baro we, ita de asi ta ka mggaalu.

Smnkagul 1 ba laqi na meyah bobo dxeral ka Utux Baro. So ta spooda heya maangal ta knuudus. So nii de, truura ka gnaalu na ita.

Nasi rmengo. “Gmaalu ku Utux Baro” mesa ka seediq, kiya de gisu tmraqil mtswai na de, kiya ka mberiq. Ini gaalu mtswai qtaan na de, uxe mpgaalu Utux Baro ini na qtai.

Kana pkela Yesu we kiya ka laqi Utux Baro we, ga meeniq heya ka Utux Baro. Heya uri we ga meeniq Utux Baro uri.

Gmaalu Utux Baro we, asi ka gmalu mtswai na uri. Nii we kari pnosa na ita ka Utux Baro.

Kana sgaalu mu, iya snhii kana ka bgihur. Asi ta ka daun smeung kenu ka pneyah Utux Baro. Ado hbaro ba uxe bale mpgeela kari nii meyah bobo dxeral nii da. Kana pgkela Yesu Kiristo we kiya ka Bgihur pneeyah heyi de, kiya ka pneeyah Utux Baro. So kiya de, maha namu klaun kenu ka Bgihur Utux Baro.

Kana ini pgkela Bgihur Yesu we, uxe pneyah Utux Baro. Bgihur nii we kiya ka kmpais Kiristo. Bnhangan namu meeyah ka heya, saya de ga meniq bobo dxeral da.