Popular Bible Verses from 1 Yohane 3

Share

Lqlaqi biciq, pggaalu ta we, iya wano kari ma hema nanak. Asi ta ka ptrwaun ka noda ta ma lnglungan ta peeyah lhebun.

Ririh ita wada qmada knuudus na ka Kiristo. Peeyah so nii kiya ka klaun ta maanu kesun ka gnaalu. Ita uri we ririh mtswai ta qmada ta knuudus ta uri.

Yamu we, tai, teyal ba gnaalu Tama bnege na ita, ita de tduwa ta kesun laqi Utux Baro. Bale ba laqi Utux Baro ka ita. Ini kela ita ka seediq bobo dxeral we, ado uxe mnkela Tama ka dheya.

Pneeyah Qbsuran Bgihur Naqah ka niqan qnquwan noda. Ado Qbsuran Bgihur Naqah nii we ida mooda qnquwan noda pnrdingan ka heya. Ptuura ka laqi Utux Baro de, pusu na we mpseelaq noda Qbsuran Bgihur Naqah.

Kana pneyah Utux Baro we ini ooda qnquwan noda. Ado ga meniq lhebun daha hiya ka kari Utux Baro. Ini tduwa moda qnquwan noda uri, ado pneeyah Utux Baro ka heya.

Kana niqan dnoi bobo dxeral ge, mita ini knttuku ka mtswai na betaq meluk ggaalu lnglungan na we, maha hmuwa meniq ckceka na ka gnaalu Utux Baro da ho?

Muyu kari pnosa Utux Baro we, meeniq Utux Baro. Utux Baro uri we meeniq heya uri. Peeyah ta so nii de, maha ta klaun Utux Baro ga meniq ita hini uri. Nii we ririh Mrtaso Bgihur bnege na ita.

Nii de kiya ka ptuura ima ka laqi Utux Baro, ima ka laqi Qbsuran Bgihur Naqah. Kana meepah ini ksderux noda we, uxe pneeyah Utux Baro. Ini gaalu mtswai na we, so kiya uri.

Asi ta ka pggaalu ka ita. Nii we kiya ka bnhangan namu peeyah pnrdingan.

Kana mtswai, nasi qmnaqah yamu ka seediq qnlangan nii we iya skluwi.