Popular Bible Verses from 1 Yohane 5

Share

Ita we nasi ta muyu lnglungan Utux Baro dmurun mesa de, mpqbahang dnurun ta ka heya. Kiya ka kesun uka kniicu lhebun ta quri heya.

Kiya de wada ta klaun mbahang kana dnurun ta ka heya de, maha ta klaun pnesa ta heya, uka ka uxe ta maangal.

Muyu ta kari pnosa Utux Baro, kiya ka gmaalu heya da. Uxe msriqu pyugun ka kari pnosa na. Kana mntuting pneyah Utux Baro we mpkbeyax qnhlangan. Mpkbeyax qnhlangan ta we kika snhiyan ta.

Niqan Laqi Utux Baro we, kiya ka niqan knuudus. Uka Laqi Utux Baro we, kiya ka uka knuudus.

Yaku we, spatis mu yamu snhii ngayan laqi Utux Baro ka kari mu nii. So namu maha klaun, yamu we niqan knuudus ani knuwan.

Ida ta klaun, kana mntuting pneyah Utux Baro we, ida uxe mooda qnquwan noda. Kingal ka mntuting pneyah Utux Baro we, mpqlahang heya. Uxe meyah smeeliq heya ka bgihur naqah.