Popular Bible Verses from स्याणेया रा ज्ञान 3

Share

जो कुछ आसे एते दुनिया दे करूँए तिजी खे एक बखत ओआ।

जम्मणे रा बखत, ओर मरने रा बी एक बखत ओआ, बाणे रा बखत ओर बाए रे खे बाडणे रा बी एक बखत ओआ। युद्धो दे काणे रा ओर ठीक करने रा बी बखत ओआ, ओर कुछ चीजा रा टाल़ने रा ओर बनाणे रा बी बखत ओआ।

दु:खो दे रोणे रा ओर खुशिया दे आसणे रा बी एक बखत ओआ, शोक करने रा ओर नाचणे रा बी एक बखत ओआ। पात्थर सेटणे रा ओर पात्थर कट्ठे करने रा बी बखत ओआ, ओर गल़े लगाणे रा ओर गल़े लगाणे ते रूकणे रा बी एक बखत ओआ।

फाड़ने रा ओर सीऊँणे रा बी बखत ओआ, चुप रणे रा ओर बोलणे रा बी एक बखत ओआ। प्यार करने रा ओर दुश्मणी करने रा बी बखत ओआ, ओर लड़ाई करने रा ओर मिलणे रा बी एक बखत ओआ।

टोल़ने रा ओर रचाणे रा बी एक बखत ओआ, ओर बचाई की राखणे रा ओर सेटणे रा बखत ओआ

माखे पता ए कि जो कुछ परमेशर करोआ, से सदा स्थिर रणा, ना तो तिदे कुछ बढ़ाई सकदे ओर ना ई कुछ कटाई सकदे, परमेशर एड़ा इजी खे करोआ, ताकि लोक तेसरा डर मानो।

मैं आपणे मनो रे बोलेया, “परमेशरो बुरे माणूंए रा ओर तर्मी माणूंए रा न्याय करना, कऊँकि तेसरे कअरे हर एक गल्ला रा ओर हर एक कामो रा बखत ओआ।”