Popular Bible Verses from स्याणेया रा ज्ञान 4

Share

कले रणे ते दो माणूं साथे रणे अच्छे ए, कऊँकि सेयो एकी दूजे री मताद करी सकोए सफल ऊणे रिया तँईं। कऊँकि जे तिना बीचा ते कोई एक जणा रूड़ो, तो दूजे से चकणा, पर हाय तेस पाँदे, जो कल्ला ऊई की रूड़ो ओर तेसखे कोई चकणे वाल़ा नि ओ।

जे कोई कल्ले पाँदे अमला करो तो करो, पर दो जणे तेसरा सामणा करी सकोए। जो डोरी तीऊँ तागेया साथे बाटी री ओ से चट नि टूटदी।

जेबे दो जणे कट्ठे सऊणे, तो सेयो गर्म रणे, पर कल्ला माणूं किंयाँ आपू खे गर्म राखी सकोआ?

इजी री खातर मैं बोलेया, “जादा पैसा ना ऊणे ते बी संतुष्ट रणा खरा ए, इजी रे बदले की जादा पैसा पाणे रिया तँईं मईणत करना, जो की अवा खे पकड़ने जेड़ा ए।”

तेबे मैं एड़ा देखेया कि लोक पड़ोसिया रिया जल़नी ते बऊत मईणत करोए आपू खे सफल बनाणे रिया तँईं! ये गल्ल बी माखे बेकार ई लगी; जिंयाँ अवा पकड़ने खे मईणत करना बेकार ओआ।

अक्लमंद जवान पाऊ गरीब ऊँदे ऊए बी एड़े स्याणे ओर मूर्ख राजे ते जादा अच्छा ए, जो सलाई खे नि मानदा।