Popular Bible Verses from स्याणेया रा ज्ञान 2

Share

परमेशर जेस माणूंए ते खुश ओआ, तेसखे से समज, ज्ञान ओर खुशी देयोआ, पर पापिया माणूंआ खे से कमाणे, कट्ठा करने ओर पण्डारो दे परने रा काम कराओआ, ताकि से तिना लोका खे देई सको जिना ते खुश ए। ये बी बेकार ओर अवा खे पकड़ने जेड़ा ए।

माणूंए खे खाणे-पीणे ओर मईणत करदे ऊए आपणे प्राणो खे सुखी राखणे ते सिवाए ओर कुछ बी ठीक नि ए। मैं जाणेया कि ये बी परमेशरो रिया तरफा ते ई मिलोआ। परमेशरो रिया मतादा ते बिना, केसी गे बी खाणे-पीणे खे पूरा खाणा नि ऊई सकदा। ओर कोई बी खुश नि ऊई सकदा।

फेर मैं तेते मईणता रे बारे दे सोचेया जो मैं तिना चीजा खे पाणे रिया तँईं कित्ती थी ओर तिना बीचा ते केसी बी चीजा ते माखे बड़ा फाईदा नि ऊआ से सब अवा खे पकड़ने रे जेड़ा था। ये बी बेकार ए।

जो कुछ बी आऊँ करना चाऊँ था मैं कित्तेया। मैं आपू खे केसी बी खुशिया ते ना नि कित्ती। जो कुछ बी आऊँ करी सकेया तिजी ते आऊँ खुश था ओर जो आनन्द माखे तिजी ते मिलो था से माखे ईनाम था।

तेबे मैं देखेया कि जितणा प्रयासा न्हेरे ते खरा ए, तिथणा ई बुद्धि बी मूर्खता ते खरी ए।

एक अक्लमंद माणूं देखोआ कि केत्ते कनारो खे जाणे लगी रा। पर जेबे एक मूर्ख माणूं चलोआ तेबे से आखी बंद करी लओआ। पर तिना रे जीवनो रा अन्त एक जेड़ा ई ओआ।

आसे कमाणे रिया तँईं सारी अक्ल, ज्ञान ओर बऊत योजना खे बणाऊँए! अन्तो दे से कमाई आसा खे एड़े माणूंए खे छाडणी पड़ोई जिने तिजी खे कमाणे खे कुछ बी मईणत नि कित्ती ओ! ओर ये गल्ल बी बऊत ई बेकार ओर बुरी ए।