Popular Bible Verses from O IBRANI 13

Share

Uha aniwowango yakuaha yönahihu o tiwika, mä kokiani ngini niamäo yaoaka de okia nginioka naga de maënanga. Hababu ma Jou Madutu wotemoka, ”Ngohi aha tonihigumal̄aua ekola aha toni mal̄aika ngona.”

O Yesus Kristus itatapu imatero, yaoa ihiraino, öraha nanga, deʼ hiädono kahiado-adonika.

Hababu gënanga ngone hobarani hotemo, ”Ma Jou ganga ahi Roriwo, ngohi tohawanua. Okia yakunu o nyawa yodiai ngohino?”

Uha niawöhanga nidiai o oa deʼ nimäkokiriwo, hababu nënanga doka o huhuba-huhuba ma Jou Madutu aihininga yadäe-däene.

Hababu gënanga, homahidomoteke o Yesus, kokiani ngone hihigogiriri ma Jou Madutu; gënanga marupa tongone nanga huhuba sukur Unangika, kiaka ngone de nanga demo-demo nanga uruiha mangale hohimulia Ai romanga.

O nyawa mata-mata kokiani ihimatoko manga jako de mahoromati o gogil̄akika, mahababu gënanga o hekata de o rokata kiani yosetia moi de moi. O nyawa manga wowango isösafarune deʼ o nyawa yohowo-howono aha ma Jou Madutu wahidero o adili.

Uha nidodato niatarima niatauoka o nyawa niänäko-näkoowahi. Hababu de nidiai hoko gënanga, mamoi iböto o nyawa, yanäko-näkoua, yätarimaka o malaekat manga tauoka.

Ma Jou Madutu wihiwangoka o Yesus tongone nanga Jou, o hönenge mahigoronaka. Karana Ai hönenge gënanga Unanga örahananga wodadi o Gogöana womo Mulia mangale ngone, enagënanga Ai duba-duba. Ai honengö gënanga ihigoungu o jaji ikokakali dede ngone ma Jou Madutu wadödodiai. Tanu ma Jou Madutu o lolämatiti gënanga wödogo okianaga ikura-kuranga nginioka de hagala maoa-oa ngini nipöparalu la niadiai Ai mau. Tanu hidomoteke de o Yesus Kristus, ma Jou Madutu womanarama ngoneoka, okia wöigo-igo. Kokiani o Kristus iwihigiriri kahi ado-adonika! Amin.