Popular Bible Verses from O YAKOBUS 1

Share

Roriadodoto! Nako ngini nia ohana o cocoba irupa-rupa, kiani ngini niamäo niutumu. Hababu ngini nihi öriki, nako ngini nitatapu ningaku ma Jouika maöraha nia ohana o cocoba, mahasili enagënanga: ngini idadi nitongohono.

Nako naga o nyawa imatëngo nia hidogoronaka ikuranga yobarija, kiani önanga imä gahoko ma Jou Madutuika, ma Jou Madutu aha wahidöaka o barija onangika; hababu o nyawa moi-moika, ma Jou Madutu wahi döaka de Ai hininga mamura deʼ Ai ma mäo o dora de ai hayanga.

Nënanga niohininga nihidodiai, Roriadodoto tini hohininga! O nyawa moi-moi kiani itaiti mangale yoihene, mä itaitua mangale yotemo deʼ itaitua yongamo.

Nio göana la nia hininga madongohono gënanga gila-gila ihero hiädono ngini igou-goungu nidadi nitotomo deʼ nikurangua o hali okiaö magoronaka.

Kiani ngini niadiai okia ma Jou Madutu wotemoka, uha duga-duga kani ihene dika, hiädono de hoko gënanga nia tipu nia diri mahirete.

Youtumu o nyawa yototongohono maöraha ünanga waohana o cocoba. Hababu ünanga wohasiloka watäna o cocoba magoronaka gënanga, ünanga aha watarima ai hewa, enagënanga o wowango ma Jou Madutu wohi jäjajioka o nyawa iwi hohiningaika ma Jou Madutu.

O ngongike moi-moi maoa-oa deʼ o parasengi itototomo iböa o horogauku, ma Jou Madutuoka wohiguti wohidö dädadi o dararono o dihangoka. Unanga ma Jou Madutu wongali-ngaliua, deʼ okia dika o huhutu yakunua idiai o hababu.

O nyawa yoihene ma Jou Madutu ai demo, mä yadiaiua, ganga hokä o nyawa magogiria ima lega manga biono de madiai o kahinä mahimangoka. Onanga ima tailako ihidodiai iböto, onangö yoiki deʼ gila-gila yawohanga sarakia manga biono marupa gënanga.

O domoteke madutu idödodono o agamaka, ima moteke ma Jou Madutu nanga Ama ai lolegaka enagënanga: yariwo o ngoha-ngohaka o gohihi madutu de o bobao-bobao yohöhangihara deʼ yogöana manga diri mahirete laʼ uha o dunia nënanga yakilianga.

Nako o nyawa moi-moi yadäene o bobaja mangale o cocoba marupa hoko gënanga, uha ünanga wotemo, ”O bobaja nënanga ma Jou Madutuoka deyaino,” hababu ma Jou Madutu wabajaua de o dorou, deʼ kao nyawa moiö dika mawabajaua. Mä o nyawa yadäene o bobaja nako ünanga iwitauru deʼ yadehoro ai nahihu mahirete itotorou.

O Haranioka manyawa nimomihikini kokiani niamäo nimörene, nako ma Jou Madutu winihikurutil̄e.